Connect with us

Hi, what are you looking for?

NEWS

കോതമംഗലത്ത് സമൂഹ വ്യാപന സാധ്യത; സമ്പർക്ക രോഗബാധിതരുടെ എണ്ണത്തിൽ വൻ വർധനവ്.

  • ദീപു ശാന്താറാം

കോതമംഗലം: കഴിഞ്ഞ ഏതാനും ദിവസങ്ങളായി താലൂക്കിന്റെ വിവിധ സ്ഥലങ്ങളിൽ സമ്പർക്ക കൊവിഡ് ബാധിതരുടെ എണ്ണം വർധിക്കുന്നത് ആശങ്കക്കിടയാക്കുന്നു. ഇന്നലെ (26-07-2020) കവളങ്ങാട് – അഞ്ച്, കുട്ടമ്പുഴ – ഒന്ന്, നെല്ലിക്കുഴി- ഒന്ന് എന്നിങ്ങനെയാണ് രോഗബാധിതരുടെ എണ്ണം ഏഴായി. ഇതോടെ താലൂക്കിൽ രോഗംസ്ഥിരീകരിക്കപ്പെട്ടവരുടെ എണ്ണം 36 ആയി. ഇവരിലേറയും സമ്പർക്കത്തിലൂടെയാണ് രോഗം വന്നത് എന്നതും, വാരപ്പെട്ടിയിലെ വനിത ആയുർവേദ ഡോക്ടറുടെ രോഗ ഉറവിടം കണ്ടെത്താനായിട്ടില്ലെന്നതും കൂടുതൽ ആശങ്കക്കിടയാക്കുന്നു. താലൂക്കിൽ കീരമ്പാറയൊഴികെ എല്ലാ പഞ്ചായത്തുകളിലും രോഗബാധിതരുണ്ട്. പല രോഗികളുടെയും സമ്പർക്കപ്പട്ടിക വളരെ വിപുലമാണെന്നത് ആശങ്കക്കിടയാക്കുന്നു.

നെല്ലിക്കുഴി പഞ്ചായത്ത് മുഴുവനായും വാരപ്പെട്ടി, പിണ്ടിമന,കവളങ്ങാട്, കുട്ടമ്പുഴയിലെ വടാട്ടുപാറ ,കുട്ടമ്പുഴ, കോട്ടപ്പടി എന്നിവിടങ്ങളിൽ അതീവ ജാഗ്രതയാണുള്ളത്. രോഗവ്യാപനം തടയുന്നതിന് ജനങ്ങളുടെ സഹകരണം അനിവാര്യമാണെന്ന് ആരോഗ്യ വകുപ്പ് അധികൃതർ അഭ്യർത്ഥിക്കുന്നു.വരും ദിവസങ്ങളിൽ കൂടുതൽ പരിശോധന ഫലങ്ങൾ പുറത്തു വന്നാൽ മാത്രമേ സ്ഥിതിഗതികളെ സംബന്ധിച്ച് കൂടുതൽ വ്യക്തത വരുകവൊള്ളുവെന്നും,അതുവരെ ജാഗ്രതയോടെ വീട്ടിൽ തന്നെ ഇരിക്കാനാണ് ആരോഗ്യ വകുപ്പ് നിർദ്ദേശം. കൊവിഡിനെ ലോക്കിടാൻ നെല്ലിക്കുഴി പഞ്ചായത്തിൽ സമ്പൂർണ്ണ ലോക് ഡൗൺ പ്രദേശത്തെ റോഡുകളെല്ലാം അടച്ചു. കർശന ജാഗ്രത നിർദ്ദേശങ്ങൾ .നെല്ലിക്കുഴി പഞ്ചായത്തിൽ സമ്പർക്കത്തിലൂടെയുള്ള കൂടുതൽ കൊവിഡ് പോസിറ്റീവ് കേസുകൾ റിപ്പോർട്ട് ചെയ്തതിനെ തുടർന്ന് നെല്ലിക്കുഴി പഞ്ചായത്തിൽ പൂർണ്ണമായും ലോക്‌ ഡൗൺപ്രഖ്യാപിച്ച സാഹചര്യത്തിൽ സ്ഥിതിഗതികൾ വിലയിരുത്തുന്നതിനും,തുടർ നടപടികൾ ചർച്ച ചെയ്യുന്നതിനുമായി ആൻ്റണി ജോൺ എംഎൽഎയുടെ അധ്യക്ഷതയിൽ നെല്ലിക്കുഴിയിൽ വച്ച് അടിയന്തിര യോഗം ചേർന്നു.

അൻപതിനായിരത്തോളം ജനസംഖ്യയും,നാലായിരത്തോളം അതിഥി തൊഴിലാളികളും തിങ്ങി താമസിക്കുന്നതും,കേരളത്തിലെ ഏറ്റവും വലിയ ഫർണിച്ചർ വ്യവസായ മേഖലയുമായ നെല്ലിക്കുഴിയുടെ പ്രത്യേക സാഹചര്യം കണക്കിലെടുത്ത് സർക്കാർ നിർദേശങ്ങൾ കർശനമായി പാലിക്കുവാൻ ജനങ്ങളുടെ പൂർണ്ണ സഹകരണം വേണമെന്ന് എംഎൽഎ അഭ്യർത്ഥിച്ചു. പഞ്ചായത്തിൽ സമ്പൂർണ്ണ ലോക് ഡൗൺ മാർഗ്ഗ നിർദ്ദേശങ്ങൾ കർശനമായി നടപ്പിലാക്കുവാൻ തീരുമാനിച്ചു.ഇതിൻ്റെ ഭാഗമായി നെല്ലിക്കുഴിയിലേക്കുള്ള മെയിൻ റോഡ് ഒഴികെ മറ്റെല്ലാ റോഡുകളും അടയ്ക്കും, മെയിൻ റോഡിലൂടെ വരുന്ന വാഹനങ്ങൾക്ക് നോൺ സ്റ്റോപ് ആയിരിക്കും,ക്ലിനിക്കുകൾ,മെഡിക്കൽ സ്റ്റോർ,പാൽ സൊസൈറ്റി എന്നിവ പ്രവർത്തിക്കും.

പച്ചക്കറി,പലചരക്ക്, ബേക്കറി എന്നിവ റൊട്ടേഷൻ വ്യവസ്ഥയിൽ തുറക്കുവാനും പ്രവർത്തന സമയം രാവിലെ എട്ട് മണി മുതൽ ഉച്ചയ്ക്ക് ഒരുമണി വരെ ആക്കുവാനും തീരുമാനിച്ചു,കടകളിൽ എത്തുന്നവരുടെ പേരും വിലാസവും ഫോൺ നമ്പരും രേഖപ്പെടുത്തിയ രജിസ്റ്ററുകൾ മുഴുവൻ കടകളിൽ സൂക്ഷിക്കുക,കടകളിൽ സാനിറ്റൈസർ കരുതുകയും,മാസ്ക്,സാമൂഹ്യ അകലം എന്നിവ കർശനമായും പാലിച്ചുകൊണ്ട് കടകളിൽ ഉപഭോക്താക്കളുടെ എണ്ണം നിയന്ത്രിക്കും,പൊലിസ്-ആരോഗ്യ വകുപ്പുകളുടെ പരിശോധന കർശനമാക്കും,ബക്രീദുമായി ബന്ധപ്പെട്ട ക്രമീകരങ്ങൾക്കായി മഹല്ല് ഭാരവാഹികളെ പങ്കെടുപ്പിച്ച് യോഗം ചേരും,ഫർണിച്ചർ അടക്കമുള്ള ഒരുവ്യാപാര സ്ഥാപനങ്ങളും, ഹോട്ടലുകളും പ്രവർത്തിക്കില്ല, കൊവിഡുമായി ബന്ധപ്പെട്ടെടുക്കേണ്ട മുൻകരുതലുകളെ കുറിച്ചും സുരക്ഷാ ക്രമീകരണങ്ങളെ സംബന്ധിച്ചും പഞ്ചായത്തിലുടനീളം മൈക്ക് അനൗൺസ്മെന്റ് നടത്തുവാനും യോഗത്തിൽ തീരുമാനമായി.

ലോക് ഡൗൺ സാഹചര്യത്തിൽ ജനങ്ങൾ വീടുകളിൽ നിന്നും പുറത്തിറങ്ങാതെ പരമാവധി സഹകരിക്കണമെന്ന് എംഎൽഎ അഭ്യർത്ഥിച്ചു. കൊവിഡ് 19 ൻ്റെ സാഹചര്യത്തിൽ ജനങ്ങൾക്ക് ഭീതി വേണ്ടെന്നും,കൃത്യമായ ജാഗ്രതയാണ് വേണ്ടതെന്നും,യോഗ തീരുമാനങ്ങളും ബന്ധപ്പെട്ട വകുപ്പുകൾ നൽകുന്ന നിർദേശങ്ങളും കർശനമായി പാലിക്കുവാൻ ജനങ്ങളുടെ പൂർണ സഹകരണം വേണമെന്നും എംഎൽഎ പറഞ്ഞു. യോഗത്തിൽ പഞ്ചായത്ത് പ്രസിഡൻ്റ് രഞ്ജിനി രവി, തഹസിൽദാർമാരായ റെയ്ച്ചൽ കെ വർഗ്ഗീസ്,സുനിൽ മാത്യു,ഡി വൈ എസ് പി മുഹമ്മദ് റിയാസ്,സർക്കിൾ ഇൻസ്പെക്ടർ അനിൽ ബി,ജില്ല പഞ്ചായത്ത് അംഗം കെ എം പരീത്, ക്ഷേമകാര്യ സ്റ്റാൻ്റിങ്ങ് ചെയർമാർ സഹീർ കോട്ടപറമ്പിൽ,പി എം മജീദ്,കെ ജി ചന്ദ്രബോസ് തുടങ്ങിയവർ പങ്കെടുത്തു.

കുട്ടമ്പുഴ പഞ്ചായത്തിലെ വടാട്ടുപാറ പ്രദേശത്ത് സമ്പർക്കത്തിലൂടെയുള്ള കോവിഡ് 19 സ്ഥി രീകരിക്കുകയും നാല്, അഞ്ച് വാർഡുകൾ കണ്ടെയ്ൻമെൻ്റ് സോണായി പ്രഖ്യാപിക്കുകയും ചെയ്ത സാഹചര്യത്തിൽ സ്ഥിതിഗതികൾ വിലയിരുത്തുന്നതിനും,തുടർ നടപടികൾ ചർച്ച ചെയ്യുന്നതിനുമായി ആൻ്റണി ജോൺ എംഎൽഎയുടെ അധ്യക്ഷതയിൽ അവലോകന യോഗം ചേർന്നു. പ്രസ്തുത വാർഡുകളിലേക്കുള്ള റോഡുകൾ അടച്ചു. അവശ്യ സാധനങ്ങൾ വിൽക്കുന്ന കടകൾ മാത്രം സമയ ക്രമീകരണം ഏർപ്പെടുത്തി മാത്രം പ്രവർത്തിക്കുവാൻ തീരുമാനിച്ചു.

കടകളിൽ സാനിറ്റൈസറും,പേര് വിവരങ്ങൾ രേഖപ്പെടുത്തുന്നതിനാവശ്യമായ രജിസ്റ്ററും കരുതണം, മാസ്ക് ധരിക്കാത്തവർക്കെതിരെ നിയമ നടപടി സ്വീകരിക്കും,ജനങ്ങൾ അനാവശ്യ കാര്യങ്ങൾക്കായി പുറത്തിറങ്ങരുത്, കൊവിഡുമായി ബന്ധപ്പെട്ട് എടുക്കേണ്ട മുൻകരുതലുകളും ക്രമീകരണങ്ങളും സംബന്ധിച്ച് പ്രദേശത്താകെ മൈക്ക് അനൗൺസ്മെൻ്റ് ആവശ്യമായ പ്രചരണം നടത്തും. കൊവിഡ് 19 ൻ്റെ പശ്ചാത്തലത്തിൽ ജനങ്ങൾക്ക് ഭീതി വേണ്ടെന്നും, കൃത്യമായ ജാഗ്രതയാണ് വേണ്ടതെന്നും ബന്ധപ്പെട്ട വകുപ്പുകൾ നല്കുന്ന നിർദ്ദേശങ്ങൾ കർശനമായി പാലിക്കുവാൻ ജനങ്ങളുടെ പൂർണ്ണ സഹകരണം വേണമെന്നും എംഎൽഎ അഭ്യർത്ഥിച്ചു. യോഗത്തിൽ പഞ്ചായത്ത് പ്രസിഡൻ്റ് സന്ധ്യാ ലാലു, തഹസിൽദാർമാരായ റെയ്ച്ചൽ കെ വർഗീസ്,സുനിൽ മാത്യു,കുട്ടമ്പുഴ സി ഐ മഹേഷ്‌കുമാർ,പഞ്ചായത്ത് മെമ്പർമാരായ വിജയമ്മ ഗോപി, ബിൻസി മോഹൻ,പി കെ പൗലോസ്,പി എ അനസ് എന്നിവർ പങ്കെടുത്തു.

📲 കോതമംഗലത്തെ വാർത്തകൾ മൊബൈലിൽ ലഭിക്കുവാൻ..👇

You May Also Like

NEWS

കോതമംഗലം :സംസ്ഥാനത്ത് മുഴുവൻ വില്ലേജുകളിലും സമയബന്ധിതമായി റീ സർവ്വേ നടപടികൾ പൂർത്തീകരിക്കുന്നതിനായി സർക്കാർ ആവിഷ്കരിച്ചിട്ടുള്ള ഡിജിറ്റൽ റീ സർവ്വേ പദ്ധതിയുടെ ഭാഗമായിട്ടുള്ള സർവ്വേ നടപടികൾ തിങ്കളാഴ്ച (25/8/25) വാരപ്പെട്ടി വില്ലേജിൽ ആരംഭിക്കുമെന്ന് ആന്റണി...

NEWS

കോതമംഗലം :ഊർജ്ജ പ്രതിസന്ധിക്ക് ശാശ്വത പരിഹാരം എന്ന നിലയ്ക്ക് ഊന്നുകൽ സഹകരണ ബാങ്ക് കേരള സ്റ്റേറ്റ് ഇലക്ട്രിസിറ്റി ബോർഡുമായി സഹകരിച്ച് ബാങ്കിന്റെ ഹെഡ് ഓഫീസിൽ 20 കിലോ വാട്ട് ശേഷിയുള്ള സോളാർ പവർ...

NEWS

കോതമംഗലം :കോതമംഗലം മണ്ഡലത്തിലെ 60 വയസ്സിനു മുകളിൽ പ്രായമുള്ള 478 പട്ടികവർഗ്ഗ വിഭാഗക്കാർക്ക്‌ ഓണ സമ്മാനമായി 1000 രൂപ വീതം നൽകുമെന്ന് ആന്റണി ജോൺ എം എൽ എ അറിയിച്ചു.പിണവൂർ നഗർ (വെളിയത്ത്...

NEWS

കോതമംഗലം :വാരപ്പെട്ടിയിൽ കാണാതായ യുവാവിന്റെ മൃതദേഹം കണ്ടെത്തി.അമ്പലംപടി -വാരപ്പെട്ടി റോഡിൽ നടുക്കുടി പാലത്തിനടിയിൽ ഇന്ന് രാവിലെയാണ് മൃതദേഹം കണ്ടത്.വെള്ളത്തിൽ കമഴ്ന്ന് കിടക്കുന്ന രീതിയിലാണ് മൃതദേഹം കിടന്നിരുന്നത്. ജീൻസും ടീ ഷർട്ടുമാണ് വേഷം. സ്ഥലത്തെത്തിയ...

ACCIDENT

കോതമംഗലം:കാറും സ്കൂട്ടറും കൂട്ടിയിടിച്ച് വ്യാപാരി മരിച്ചു.നെല്ലിക്കുഴി ഇടപ്പാറ മുഹമ്മദ് (48) ആണ് മരിച്ചത്.ഖബറടക്കം നാളെ  1.30 നു കമ്പനിപ്പടി ജുമാ മസ്ജിദിൽ. ആലുവ – മൂന്നാർ റോഡിൽനങ്ങേലിപ്പടി റാഡോ കമ്പനിക്ക് മുന്നിൽ  വൈകിട്ട്...

NEWS

കോതമംഗലം :കോതമംഗലം നഗരസഭയിലെ അങ്കണവാടി ജീവനക്കാരെ ആദരിച്ചു.നഗരസഭയുടെ നേതൃത്വത്തിലാണ് നഗരസഭാ പരിധിയിലെ 31 അങ്കണവാടികളിലേയും വർക്കർമാരെയും ഹെൽപ്പർമാരെയും ആദരിച്ചത്. കല ഓഡിറ്റോറിയത്തിൽ നടന്ന സമ്മേളനം ആന്റണി ജോൺ എം എൽ എ ഉദ്ഘാടനം...

NEWS

കോതമംഗലം : കോതമംഗലത്ത് ഭിന്നശേഷി കലോത്സവം സ്നേഹ സ്പർശം 2025 കലാ ഓഡിറ്റോറിയത്തിൽ വച്ച് സംഘടിപ്പിച്ചു. ഉദ്ഘാടനം ആന്റണി ജോൺ എം എൽ എ നിർവഹിച്ചു.മുനിസിപ്പൽ ചെയർമാൻ ഇൻ ചാർജ് സിന്ധു ഗണേശൻ...

NEWS

വാരപ്പെട്ടി: വാരപ്പെട്ടി പഞ്ചായത്തിലെ പിടവൂർ അംഗനവാടി പരിസരമാണ് പഞ്ചായത്ത് അംഗത്തിൻ്റെ നേതൃത്വത്തിൽ പിടവൂർഫിനിക്സ് ക്ലബ്ബിലെ അംഗങ്ങളായ യുവാക്കൾ കാടും പാലുകളും വെട്ടിമാറ്റി ശുചീകരിച്ചത്. അടുത്തിടെ ചിലയിടത്ത് അംഗനവാടി പരിസരം കാടുകയറി കിടന്നതിനാൽ അംഗനവാടിയി...

NEWS

കോതമംഗലം – പുന്നേക്കാട് – തട്ടേക്കാട് റോഡിനു സമീപം കളപ്പാറ ഭാഗത്ത് ജനവാസ മേഖലയിൽ തമ്പടിച്ച കാട്ടാനക്കൂട്ടത്തെ ഉൾക്കാട്ടിലേക്ക് തുരത്തി. കളപ്പറ-തെക്കുമ്മേൽ കോളനിക്ക് സമീപം കണ്ട ആനക്കൂട്ടത്തെ വനപാലകരും, ജനപ്രതിനിധികളും, നാട്ടുകാരും ചേർന്ന്...

NEWS

കോതമംഗലം : ആന്റണി ജോൺ എം എൽ എ യുടെ ആസ്തി വികസന ഫണ്ട് 2.5 കോടി രൂപ ചിലവഴിച്ച് നിർമ്മാണം പൂർത്തീകരിച്ച ആധുനിക ബസ് ടെർമിനലിലേക്ക് ഫർണിച്ചറുകൾ കൈമാറി. കുത്തുകുഴി സർവീസ്...

NEWS

കോതമംഗലം : കേരള സംസ്ഥാന ഹജ്ജ് കമ്മിറ്റിയുടെ കീഴിൽ 2026 ലേക്ക് ഹജ്ജിന് പോകുന്ന കോതമംഗലം,മൂവാറ്റുപുഴ താലൂക്കിലെ തെരഞ്ഞെടുത്ത ഹാജിമാർക്കുള്ള മെഡിക്കൽ ക്യാമ്പ് കോതമംഗലത്ത് സംഘടിപ്പിച്ചു. താലൂക്ക് ഹെഡ് ക്വാർട്ടേഴ്സ് ആശുപത്രിയിൽ വച്ച്...

NEWS

കോതമംഗലം :കറുകടത്ത് ടി ടി സി വിദ്യാർത്ഥിനി ആത്മഹത്യ ചെയ്ത സംഭവത്തിൽ നീതി പൂർവ്വവും, കുറ്റമറ്റതുമായ അന്വേഷണം ഉറപ്പുവരുത്തുമെന്ന് വനിത കമ്മീഷൻ അധ്യക്ഷ അഡ്വ.പി സതീദേവി. കറുകടത്ത് ആത്മഹത്യ ചെയ്ത ടി ടി...

error: Content is protected !!