കോതമംഗലം: കോവിഡ് 19 സ്ഥിതീകരിച്ച തമിഴ്നാട് സ്വദേശി കോട്ടപ്പടിയിൽ എത്തിയതിനെ തുടർന്ന് ജാഗ്രത പ്രവർത്തനങ്ങൾക്ക് തുടക്കം കുറിച്ചു. കുടുംബാരോഗ്യ കേന്ദ്രത്തിൽ ചേർന്ന യോഗത്തിൽ ആന്റണി ജോൺ എംഎൽഎ,മെഡിക്കൽ ഓഫീസർ ജെറാൾഡ് ജി മാത്യൂ, വാർഡ് മെമ്പർമാരായ കെ എ ജോയി,അഭിജിത്ത് എം രാജു,ഹെൽത്ത് ഇൻസ്പെക്ടർമാരായ കുര്യച്ചൻ സി റ്റി,അനിൽകുമാർ എന്നിവർ പങ്കെടുത്തു. സമ്പർക്ക പട്ടികയും റൂട്ട് മാപ്പും തയ്യാറാക്കുന്ന പ്രവർത്തനങ്ങൾ വേഗത്തിൽ പുരോഗമിക്കുകയാണ്. ചേറങ്ങനാൽ ജംഗ്ഷൻ,വെയ്റ്റിങ്ങ് ഷെഡ്,ഹൈസ്കൂൾ ജംഗ്ഷൻ ഉൾപ്പെടെയുള്ള സ്ഥലങ്ങൾ ഫയർഫോഴ്സ് അണുവിമുക്തമാക്കുകയും ചെയ്തു.
