കോതമംഗലം: മരത്തിന്റെ ശിഖിരം വീണ് റോഡരികില്‍ പാര്‍ക്ക് ചെയ്തിരുന്ന ബൈക്കും കാറും തകര്‍ന്നു. ഇന്നലെ രാവിലെ ഊന്നുകല്‍ ജംഗ്ഷന് സമീപത്തെ തണല്‍മരത്തിന്റെ വലിയ ശിഖരമാണ് ഒടിഞ്ഞുവീണത്. അപകട സമയത്ത് വാഹനങ്ങളിലോ, സമീപത്തോ ആരുമുണ്ടായിരുന്നില്ല. റോഡ് വികസനത്തിന്റെ ഭാഗമായി മുറിച്ചുമാറ്റുന്നതിന് നമ്പരിട്ടിട്ടുള്ള മരത്തിന്റെ ശിഖരമാണ് ഒടിഞ്ഞു വീണത്.
വില കിട്ടുന്ന മരങ്ങള്‍ ആദ്യംതന്നെ മുറിച്ച കരാറുകാരന്‍ പാഴ്മരങ്ങളുടെ മുറിക്കല്‍ വൈകിപ്പിക്കുകയായിരുന്നെന്നും ആരോപണമുണ്ട്.
ഇത്തരം അപകടങ്ങള്‍ക്കുള്ള സാധ്യത മുന്നില്‍കണ്ട് അവശേഷിക്കുന്ന മരങ്ങളും ഉടന്‍ മുറിച്ച് നീക്കണമെന്ന് നാട്ടുകാര്‍ ആവശ്യപ്പെട്ടു.
