കോതമംഗലം: ഓടിക്കൊണ്ടിരുന്ന ബൈക്കിന് തീപിടിച്ച് കത്തി നശിച്ചു. തൃക്കാരിയൂര്‍-മലയിന്‍കീഴ് റോഡില്‍ ശനിയാഴ്ച വൈകുന്നേരം ഹീറോ ഹോണ്ട പാഷന്‍ ബൈക്ക് ആണ് തൃക്കാരിയൂരില്‍ അഗ്നിക്കിരയായത്. വിവരം അറിഞ്ഞ് പാഞ്ഞെത്തിയ ഫയര്‍ഫോഴ്സ് ആണ് തീ അണച്ചത്.
കുമ്പളങ്ങി സ്വദേശി മാനുവലിന്റെ ബൈക്ക് പൂര്‍ണ്ണമായി കത്തി നശിച്ചു. കെട്ടിടനിര്‍മ്മാണതൊഴിലാളിയായ മാനുവൽ വീട്ടിലേക്ക് പോകുകയായിരുന്നു. കാര്‍ബറേറ്ററിന്‍റെ ഭാഗത്താണ് ആദ്യം തീ കണ്ടത്. ഉടന്‍ വാഹനം നിറുത്തി തീ അണക്കാൻ ശ്രമിച്ചപ്പോഴേക്കും തീ ആളിപടര്‍ന്നു. സമീപവാസിയാണ് ഫയര്‍ഫോഴ്സിനെ വിവരം അറിയിച്ചത്.
പിന്നീട് പോലിസും സ്ഥലത്തെത്തി.തൃക്കാരിയൂര്‍-മലയിന്‍കീഴ് റോഡില്‍ കുറച്ചുനേരം ഗതാഗത തടസ്സവും ഉണ്ടായി. ഫയർ ഫോഴ്‌സ് തീ അണച്ചെങ്കിലും ബൈക്ക് പൂർണ്ണമായും കത്തി നശിച്ചു.
