കോതമംഗലം : ഇന്നലെ പെരിയാറ്റിൽ കാണതായ തട്ടേക്കാട് സ്വദേശിയായ യുവാവിന്റെ മൃദ്ദേഹം കണ്ടെത്തി. കോതമംഗലം സ്കൂബാ ടീമിൻ്റെ നേതൃത്വത്തിൽ നടത്തിയ തെരച്ചിലിനിടയിൽ ഭൂതത്താൻകെട്ടിന് താഴെ നിന്നാണ് മൃദ്ദേഹം കണ്ടെത്തിയത്. തട്ടേക്കാട് സ്വദേശി ജയാസി ( 40 ) നെയാണ് ഇന്നലെ വഞ്ചിയുമായി മീൻ പിടിക്കുന്നതിനിടയിൽ പെരിയാറിൽ കാണാതായത്.
ഇന്നലെ ഉച്ചയോടെ ജയാസിയുടെ വഞ്ചി പുഴയിൽ ഒഴുകി നടക്കുന്നത് ശ്രദ്ധയിൽ പെട്ട നാട്ടുകാരാണ് പോലീസിൽ വിവരം അറിയിച്ചത്. മീനും, മറ്റ് മത്സ്യ ബന്ധന ഉപകരണങ്ങളും വഞ്ചിയിൽ നിന്ന് കണ്ടെത്തിയിട്ടുണ്ട്. വനം വകുപ്പും, പോലീസും , നാട്ടുകാരും തെരച്ചിലിൽ പങ്കാളികളായി.
തട്ടേക്കാട് കൂട്ടിക്കൽ ഭാഗത്ത് ഫയർഫോഴ്സിൻ്റെ സ്കൂബാ ടീം ഏറെ നേരം തെരച്ചിൽ നടത്തിയെങ്കിലും യുവാവിനെ കണ്ടെത്താനാകാത്ത സാഹചര്യത്തിൽ തിരച്ചിൽ വ്യാപിപ്പിച്ചിരുന്നു
യുവാവിനായി വനമേഖല കേന്ദ്രീകരിച്ച് തെരച്ചിൽ നടത്തിയിരുന്നുവെന്ന് തട്ടേക്കാട് അസി. വൈൽഡ് ലൈഫ് വാർഡൻ CT ഔസേഫ് പറഞ്ഞു.
