കോതമംഗലം: നഗരത്തിൽ തെരുവ് വിളക്കുകൾ പ്രവർത്തന രഹിതമായതിൽ കോതമംഗലം താലൂക്ക് പൗരസമിതി ഗാന്ധി സ്ക്വയറിൽ ചൂട്ട് കത്തിച്ച് പ്രതിഷേധിച്ചു. മാസങ്ങളായി കോതമംഗലം നഗരം കൂരിരിട്ടിലാണ്. മഴക്കാലവും സ്കൂൾ -കോളേജ്കളും തുറന്നത്തോടെ കാൽനടയാത്രക്കാർ വളരെകൂടുതലായിട്ടും നഗരസഭ യാതൊരു നടപടിയും സ്വീകരിച്ചിട്ടില്ല.
തങ്കളം, മലയൻകീഴ്, കോഴിപ്പിള്ളി, കോളേജ് ജഗ്ഷൻ തുടങ്ങിയ സ്ഥലങ്ങളിലെല്ലാം അനവധി സ്കൂൾ -കോളേജ് -ടൂഷൻ സെന്ററുകൾ പ്രവർത്തിച്ചു വരുന്നുണ്ട്. ഇവിടങ്ങളിലെല്ലാം തെരുവ് വിളക്കുകൾ നിശ്ചലമാണ്. സാമൂഹ്യ വിരുദ്ധർക്കും മോഷ്ടാക്കൾക്കും ലഹരി കച്ചവടക്കാർക്കും നഗരസഭ സാഹചര്യം ഒരു കൊടുക്കുകയാണെന്ന് പ്രതിഷേധക്കാർ കുറ്റപ്പെടുത്തി.
അടിയന്തര പ്രാധാന്യത്തോടെ പ്രശ്നത്തിനു പരിഹാരം കണ്ടില്ലെങ്കിൽ മുനിസിപ്പൽ ഓഫീസ് ഉപരോധിക്കുന്നതടക്കമുള്ള സമര മുറകൾ നടത്തുമെന്ന് സമരക്കാർ മുന്നറിയിപ്പ് നൽകി.ചൂട്ട് കത്തിച്ച് പ്രതിഷേധം താലൂക്ക് പൗരസമിതി ചെയർമാൻ അഡ്വ.പോൾ മുണ്ടക്കൽ ഉൽഘാടനം ചെയ്തു. പ്രസിഡന്റ് ഷാജി പീച്ചക്കര അധ്യക്ഷത വഹിച്ചു. വൈസ് പ്രസിഡന്റ് ജിജി പുളിക്കൽ മുഖ്യ പ്രഭാഷണം നടത്തി. മനോജ് ഗോപി, ജോൺസൺ കറുകപ്പിള്ളി, ബോബി മാണിതൊട്ടം എന്നിവർ പ്രസംഗിച്ചു.
