കോതമംഗലം: കോതമംഗലം മുനിസിപ്പാലിറ്റി ഇരുപത്തിയെട്ടാം വാർഡിൽ എസ് എസ് എൽ സി,പ്ലസ് ടു പരീക്ഷകളിൽ വിജയികളായ കുട്ടികൾക്കുള്ള അനുമോദനവും പഠനോപകരണ വിതരണവും നടത്തപ്പെട്ടു. വെണ്ടുവഴി സൺഡേസ്കൂൾ ഹാളിൽ വച്ച് സംഘടിപ്പിച്ച അനുമോദന ചടങ്ങിൽ ആന്റണി ജോൺ എംഎൽഎ യോഗം ഉദ്ഘാടനവും അവാർഡ് ദാനവും നിർവഹിച്ചു. കോതമംഗലം മുൻസിപ്പൽ വൈസ് ചെയർപേഴ്സൺ സിന്ധു ഗണേശൻ പഠനോപകരണ വിതരണം നടത്തി. ഈ വർഷം വടക്കേ വെണ്ടുവഴി അംഗൻവാടിയിൽ നിന്നും പഠനം പൂർത്തിയാക്കി പുറത്തിറങ്ങിയ കുട്ടികൾക്ക് മെമന്റോയും സർട്ടിഫിക്കറ്റും യോഗത്തിൽ വിതരണം ചെയ്തു.
അസിസ്റ്റന്റ് എക്സൈസ് ഇൻസ്പെക്ടർ വിൽസൺ കെ യുവജനങ്ങളിലും വിദ്യാർത്ഥി കളിലും വർദ്ധിച്ചുവരുന്ന ലഹരി ഉപയോഗത്തെക്കുറിച്ചുള്ള ബോധവൽക്കരണ ക്ലാസ് നടത്തി. വാർഡ് കൗൺസിലർ ബിൻസി തങ്കച്ചൻ അധ്യക്ഷത വഹിച്ച ചടങ്ങിൽ അംഗൻവാടി ടീച്ചർ ഡെയ്സി ജോൺ, സിജു തോമസ് തുടങ്ങിയവർ സംസാരിച്ചു.വാർഡ് കമ്മിറ്റിയുടെ ആഭിമുഖ്യത്തിലാണ് അവാർഡ് ദാനവും പഠനോപകരണവും വിതരണവും സംഘടിപ്പിച്ചത്.
