കോതമംഗലം: എസ് എസ് എൽ സി പരീക്ഷാ ഫലം – കോതമംഗലം മണ്ഡലത്തിൽ മികച്ച വിജയമാണെന്ന് ആന്റണി ജോൺ എംഎൽഎ അറിയിച്ചു. മണ്ഡലത്തിൽ ആകെ 25 സ്കൂളുകളിലായി 2318 കുട്ടികളാണ് പരീക്ഷ എഴുതിയത്. 10 സർക്കാർ സ്കൂളുകൾ,14 എയ്ഡഡ് സ്കൂളുകൾ,1 അൺ എയ്ഡഡ് സ്കൂൾ എന്നിങ്ങനെ 25 സ്കൂളുകൾ. ഒന്നോ രണ്ടോ വിഷയങ്ങളിലെ പരാജയം മൂലം11 കുട്ടികൾക്കു മാത്രമാണ് ഉപരിപഠനത്തിന് അർഹത നേടാൻ കഴിയാത്തത്. ആകെ 10 സർക്കാർ സ്കൂളുകളിൽ 8 സ്കൂളുകളിലെ മുഴുവൻ കുട്ടികളും ഉപരിപഠനത്തിന് അർഹരായി. ആകെ 14 എയ്ഡഡ് സ്കൂളുകളിൽ 11 സ്ക്കൂളുകളിലെ മുഴുവൻ കുട്ടികളും ഉപരിപഠനത്തിന് അർഹരായി.
ഏക അൺ എയ്ഡഡ് സ്കൂളിലെ മുഴുവൻ കുട്ടികളും ഉപരിപഠനത്തിന് അർഹരായി.സർക്കാർ സ്കൂളുകളിൽ ഏറ്റവും കൂടുതൽ കുട്ടികൾ പരീക്ഷ എഴുതിയത് ചെറുവട്ടൂർ ഗവൺമെന്റ് സ്കൂളിലാണ് -129 പേർ.മുഴുവൻ കുട്ടികളും ഇവിടെ ഉപരിപഠനത്തിന് അർഹരായി.എയ്ഡഡ് മേഖലയിൽ ഏറ്റവും കൂടുതൽ കുട്ടികൾ പരീക്ഷ എഴുതിയ കോതമംഗലം സെന്റ് അഗസ്റ്റിൻസ് സ്കൂളിലാണ് 360 കുട്ടികൾ.68 പേർ ഫുൾ എ പ്ലസ് നേടി. തുടർച്ചയായ ഏഴാം വർഷം ആണ് പരീക്ഷ എഴുതിയ മുഴുവൻ കുട്ടികളും സെന്റ് അഗസ്റ്റിൻസ് സ്കൂളിൽ ഉപരിപഠനത്തിന് അർഹത നേടുന്നത്.ആദിവാസി മേഖലയിലും ഇത്തവണ മികച്ച വിജയമാണ് ഉണ്ടായത്. കുട്ടമ്പുഴ പഞ്ചായത്തിൽ 4 ഹൈ സ്കൂളുകളിൽ 3 സ്കൂളിലെ മുഴുവൻ കുട്ടികളും ഉപരിപഠനത്തിന് അർഹത നേടി. പിണവുർകുടിയിൽ 4 കുട്ടികൾക്ക് മാത്രമാണ് ഉപരിപഠനത്തിന് അർഹത നേടാൻ കഴിയാതെ പോയത്.
ഏക അൺ എയ്ഡഡ് സ്കൂളായ കോതമംഗലം ശോഭന സ്കൂളിൽ 85 കുട്ടികൾ പരീക്ഷ എഴുതിയതിൽ മുഴുവൻ കുട്ടികളും ഉപരിപഠനത്തിന് അർഹത നേടി. കോവിഡ് 19 ന്റെ പശ്ചാത്തലത്തിലും മികച്ച വിജയം കൈവരിക്കുന്നതിനായി പ്രവർത്തിച്ച മുഴുവൻ അധ്യാപകരെയും, രക്ഷിതാക്കളെയും, പ്രിയപ്പെട്ട കുട്ടികളെയും,വിദ്യാഭ്യാസ വകുപ്പ് അധികൃതരേയും പ്രത്യേകം അഭിനന്ദിക്കുന്നതായും,ഒന്നോ രണ്ടോ വിഷയങ്ങളിലെ പരാജയം കൊണ്ട് മാത്രം ഉപരിപഠനത്തിന് അർഹത നേടാൻ കഴിയാത്ത കുട്ടികൾക്ക് സേ പരീക്ഷയിലൂടെ ഉപരിപഠനത്തിന് അർഹത നേടാൻ കഴിയട്ടെ എന്ന് ആശംസിക്കുന്നതായി ആന്റണി ജോൺ എംഎൽഎ പറഞ്ഞു.
( Photo: കോതമംഗലം സെന്റ് അഗസ്റ്റിൻസ് ഗേൾസ് സ്കൂളിലും,ചെറുവട്ടൂർ ഗവൺമെന്റ് മോഡൽ സ്കൂളിലും ആന്റണി ജോൺ എംഎൽഎ എത്തി അഭിനന്ദനം അറിയിച്ചു.)
