AGRICULTURE
ചെറുകിട റബ്ബർ തോട്ടം കർഷകരും ടാപ്പിംഗ് തൊഴിലാളികളും ദുരിതത്തിൽ

കോതമംഗലം : കൊറോണ വ്യാപനത്തെ തുടർന്ന് സംസ്ഥാനം മൊത്തത്തിൽ അടച്ചതിനെ തുടർന്ന് സംസ്ഥാനത്തെ ചെറുകിട റബ്ബർ തോട്ടം കർഷകരും ടാപ്പിംഗ് തൊഴിലാളികളും ദുരിതത്തിലായിരിക്കുന്നു. റബ്ബറിന്റെ വിലയിടിവിൽ നട്ടം തിരിഞ്ഞ് നിൽക്കുന്ന ചെറുകിട റബ്ബർ കർഷകന്റെ കുടുംബ ജീവിത നിത്യ വരുമാനമായിരുന്ന റബ്ബർ ടാപ്പ് ചെയ്ത് ലഭിക്കുന്ന റബ്ബർഷീറ്റ് വിറ്റ് ലഭിക്കുന്ന തുച്ഛമായ വരുമാനമായിരുന്നു. അതാണ് കോവിഡ് കാലത്തെ ലോക് ഡൗണിനെ തുടർന്ന് നിശ്ചലമായത്. റബ്ബറിന് ഭീമമായ വിലത്തകർച്ചയുണ്ടായ തിനെ തുടർന്ന് പലരുടെയും തോട്ടങ്ങൾ പാട്ടത്തിനെടുത്ത് ടാപ്പിംഗ് നടത്തി അതിൽ നിന്നും കിട്ടുന്ന ഷീറ്റുകൾ ഉണക്കി വിറ്റ് കിട്ടുന്ന ഷീറ്റുകൾ വിറ്റ് കിട്ടുന്ന പണം കൊണ്ടാണ് പല ടാപ്പിംഗ് തൊഴിലാളികളും ഉപജീവനം നടത്തുന്നത്. ഇത്തരത്തിൽ കിട്ടുന്ന പാട്ടസംഖ്യയെ മാത്രം ആശ്രയിച്ചു കഴിയുന്ന റബ്ബർ കർഷകരും വിരളമല്ല.
വിപണികളെല്ലാം അടച്ചതിനെ തുടർന്ന് ഇവരുടെ കുടുംബങ്ങൾ കഷ്ടതയനുഭവിക്കുകയാണ്. ഇനി എന്തും വരട്ടെയെന്ന് കരുതി റബ്ബർ ടാപ്പ് ചെയ്ത് ഉണ്ടാക്കുന്ന റബ്ബർഷീറ്റോ റബ്ബർ പാലോ എടുക്കാൻ ആളില്ല. ചെറുകിട റബ്ബർഷീറ്റ് കച്ചവട സ്ഥാപനങ്ങൾ തുറക്കുന്നില്ല. റബ്ബർ ഉപയോഗിച്ച് നിർമ്മിക്കുന്ന വസ്തുക്കളുടെ കമ്പനികൾ ലോക്ഡൗണിനെ തുടർന്ന് നിശ്ചലമായി.ഇതേ തുടർന്ന് വ്യാപാരികൾ റബ്ബർഷീറ്റ് എടുക്കാതായി.ഇവരുടെ കഷ്ടപ്പാടിന് അടിയന്തിരമായും പരിഹാരമുണ്ടാക്കാൻ സർക്കാർ പാക്കേജ് പ്രഖ്യാപിച്ച് സഹായം നൽകണമെന്ന് ആവശ്യപ്പെട്ട് കേരള മുഖ്യമന്ത്രി പിണറായി വിജയന് നിവേദനം നൽകിയതായി കേരള സ്റ്റേറ്റ് ചെറുകിട തോട്ടം റബ്ബർ ടാപ്പേഴ്സ് & ഫാർമേഴ്സ് യൂണിയൻ ( HMS) സംസ്ഥാന പ്രസിഡന്റ് വി.പി. വർക്കി (വയനാട്) ജനറൽ സെക്രട്ടറി മനോജ് ഗോപി സംയുക്തമായി പറഞ്ഞു.
Posted by കോതമംഗലം വാർത്ത on Wednesday, April 8, 2020
AGRICULTURE
ഡ്രാഗൺ ഫ്രൂട്ട് വിളവെടുപ്പ് നടന്നു.

കോതമംഗലം : വാരപ്പെട്ടി പഞ്ചായത്തിലെ പത്താം വാർഡ് സ്വദേശിയും പൊതുപ്രവർത്തകനും സിപിഐ എം ലോക്കൽ കമ്മിറ്റി അംഗവും കർഷകസംഘത്തിന്റെ വാരപ്പെട്ടി വില്ലേജ് സെക്രട്ടറിയുമായ റെജി തന്റെ പുരയിടത്തിൽ മുന്നൂറോളം ചുവട് ഡ്രാഗൺ ഫ്രൂട്ട് കൃഷി ചെയ്ത് വിജയകരമായി വിളവെടുപ്പ് നടത്തി. ആദ്യ വിളവെടുപ്പ് ആന്റണി ജോൺ എം എൽ എ നിർവഹിച്ചു. വാരപ്പെട്ടി ഗ്രാമപഞ്ചായത്ത് പ്രസിഡന്റ് പി കെ ചന്ദ്രശേഖരൻ നായർ , വൈസ് പ്രസിഡന്റ് ബിന്ദു ശശി, വാർഡ് മെമ്പർ എം എസ് ബെന്നി, സി പി ഐ എം ഏരിയ സെക്രട്ടറി ഷാജി മുഹമ്മദ്, മനോജ് നാരായണൻ , സി എം മീരാൻകുഞ്ഞ്, കൃഷി ഓഫീസർ ഇ എം മനോജ് തുടങ്ങിയവർ സംബന്ധിച്ചു.
AGRICULTURE
കവളങ്ങാട് പഞ്ചായത്തിലെ ട്രൈബൽ വിഭാഗത്തിന് പച്ചക്കറി കൃഷിയിൽ പരിശീലനം നൽകി

കോതമംഗലം : കാർഷിക വികസന കർഷക ക്ഷേമ വകുപ്പ് കവളങ്ങാട് ഗ്രാമപഞ്ചായത്ത് കൃഷിഭവൻ്റെ നേതൃത്വത്തിൽ ട്രൈബൽ വിഭാഗത്തിന് പച്ചക്കറി കൃഷിയിൽ പരിശീലനം നൽകി. ആത്മയുടെ പ്രത്യേക ഘടകപദ്ധതിയിൽ ഉൾപ്പെടുത്തി നേര്യമംഗലം ട്രൈബൽ സെറ്റിൽമെൻ്റ് കോളനിയിലെ കർഷകർക്കാണ് പരിശീലനം നൽകിയത്.കോളനിയിൽ കൃഷി ചെയ്യുന്നതിനു മാത്രമായി നൽകിയിട്ടുള്ള 25 ഏക്കർ സ്ഥലത്ത് കൃഷിയിറക്കുകയാണ് പരിശീലനത്തിലൂടെ ലക്ഷ്യമിടുന്നത്.
രാവിലെ 10 മണിക്ക് സെറ്റിൽമെൻ്റ് കോളനിയിൽ വച്ച് നടന്ന ചടങ്ങിൽ കവളങ്ങാട് പഞ്ചായത്ത് പ്രസിഡൻ്റ് സൈജൻ്റ് ചാക്കോ പരിശീലപരിപാടി ഉത്ഘാടനം ചെയ്തു. ഗ്രാമപഞ്ചായത്ത് വൈസ് പ്രസിഡൻ്റ് ജിംസിയ ബിജു അദ്ധ്യക്ഷത വഹിച്ചു.റിട്ടയേർഡ് കൃഷി ഓഫീസർ ജോഷി പി എം ക്ലാസ്സ് നയിച്ചു.ബാബു എ എൻ, ശോഭ തങ്കപ്പൻ, ബിന്ദു സോമൻ, കുഞ്ഞുമോൾ ബദറുദ്ധീൻ, പ്രമോട്ടർ അജ്ഞുമോൾ ഭാസ്കരൻ, കൃഷി അസിസ്റ്റൻ്റുമാരായ വിനീഷ് പി എൻ, ഫാത്തിമ എ എ, ആത്മ ബ്ലോക്ക് ടെക്നോളജി മാനേജർ രജ്ഞിത്ത് തോമസ് തുടങ്ങിയവർ പങ്കെടുത്തു. കൃഷി ഓഫീസർ സജി കെ.എ സ്വാഗതവും അസിസ്റ്റൻറ് കൃഷി ഓഫീസർ സാജു കെ.സി കൃതജ്ഞതയും പറഞ്ഞു.
AGRICULTURE
കാറ്റിലും മഴയിലും കോതമംഗലം മേഖലയിൽ കനത്ത കൃഷി നാശം; ഒരു കോടിക്ക് മുകളിൽ നഷ്ടം

കോതമംഗലം : ഇന്നലെ വൈകിട്ട് ഉണ്ടായ കാറ്റിലും മഴയിലും കോതമംഗലത്തെ 5 പഞ്ചായത്തുകളിൽ കനത്ത കൃഷി നാശം. ഇരുന്നൂറോളം കർഷകർകരുടെ 26,600 വാഴകൾ നശിച്ചു. 1.10 കോടിയുടെ പ്രാഥമിക നഷ്ടം കണക്കാക്കുന്നു. കോതമംഗലം മുനിസിപ്പാലിറ്റിയിൽ 150 കർഷകരുടെ 12,000 കുലച്ച വാഴകൾ, 9000 കുലക്കാത്ത വാഴകൾ. ആകെ 21,000 വാഴകൾക്ക് 60 ലക്ഷം രൂപയുടെ പ്രാഥമിക നാശനഷ്ടം വിലയിരുത്തുന്നു.
വാരപ്പെട്ടിയിൽ 25 കർഷകരുടെ 2500 കുലച്ച വാഴകളും 2500 കുലക്കാത്ത വാഴകളും ഉൾപ്പെടെ ആകെ 20 ലക്ഷം രൂപയുടെ നഷ്ടവും , നെല്ലിക്കുഴിയിൽ 6 കർഷകരുടെ 100 കുലച്ചതും, 150 കുലക്കാത്തതുമായി 250 വാഴകൾക്ക് 95,000 രൂപയുടെ നഷ്ടവും , പിണ്ടിമനയിൽ 6 കർഷകരുടെ 150 കുലച്ചത്, 100 കുലക്കാത്തത്, റബ്ബർ 4 എണ്ണം 1.05 ലക്ഷം രൂപയുടെ നഷ്ടവും , കോട്ടപ്പടിയിൽ 2 കർഷകരുടെ 100 വാഴകൾ 40,000 രൂപയുടെ നഷ്ടവും പ്രാഥമികമായി കണക്കാക്കുന്നു.
-
CRIME1 week ago
നിരന്തര കുറ്റവാളിയായ കോതമംഗലം സ്വദേശിയെ കാപ്പ ചുമത്തി നാട് കടത്തി
-
NEWS4 days ago
കോതമംഗലം നഗരത്തിലെ വിവിധ ഹോട്ടലുകളിൽ മിന്നൽ പരിശോധന : പഴകിയ ഭക്ഷണസാധനങ്ങൾ പിടിച്ചെടുത്തു.
-
CRIME1 week ago
കോതമംഗലത്ത് വൻ ചീട്ടുകളി സംഘം പിടിയിൽ
-
NEWS3 days ago
സഞ്ചാര സ്വാതന്ത്ര്യം തടഞ്ഞ് വനം വകുപ്പ് : മാമലക്കണ്ടത്ത് സംഘർഷാവസ്ഥ
-
NEWS1 week ago
എന്റെ കോതമംഗലം എക്സ്പോ-23 ആരംഭിച്ചു
-
CRIME8 hours ago
നിരന്തര കുറ്റാവാളിയെ കാപ്പ ചുമത്തി നാട് കടത്തി
-
NEWS6 days ago
കാട്ടാന ശല്യം ഉണ്ടായ പ്രദേശങ്ങൾ ആന്റണി ജോൺ എം എൽ എ സന്ദർശിച്ചു
-
NEWS4 days ago
ഷീ കൗണ്ടർ പ്രവർത്തനം ആരംഭിച്ചു