കോതമംഗലം: സ്വതന്ത്ര വായനയോടൊപ്പം കുട്ടികളുടെ സർഗ ശേഷി വികസനത്തിനുതകുന്ന വായന വിഭവങ്ങൾ കുട്ടികൾക്ക് നൽകുക എന്ന ലക്ഷ്യത്തോടു കൂടി സമഗ്ര ശിക്ഷാ കേരളം 1, 2 ക്ലാസ്സിലെ കുട്ടികൾക്കായി തയ്യാറാക്കിയ കുഞ്ഞുവായന വായന കാർഡുകൾ എല്ലാ സ്കൂളിലും വിതരണം പൂർത്തിയായതായി ആന്റണി ജോൺ എം എൽ എ അറിയിച്ചു. പൊതു വിദ്യാലയങ്ങളിലെ 1, 2 ക്ലാസ്സുകളിലെ ഓരോ ഡിവിഷനും 22 വായന കാർഡുകൾ അടങ്ങിയ സെറ്റാണ് വിതരണം നടത്തിയത്.
കോതമംഗലം നിയോജകമണ്ഡലത്തിലെ 1, 2 ക്ലാസ്സുകളുള്ള 74 സ്കൂളുകളിലായി 4312 കാർഡുകൾ വിതരണം ചെയ്തു. കുഞ്ഞുങ്ങളുടെ നിലവാരത്തിലുള്ളതും കുഞ്ഞുങ്ങൾ തന്നെ ചിത്രീകരണം നടത്തിയ വായനകാർഡുകളാണ് നൽകിയത്. ഭാവന വികസിപ്പിക്കാനും സർഗാത്മകത വളർത്താനും കുഞ്ഞുവായന പ്രയോജനപ്പെടുത്തണമെന്ന് എം എൽ എ അറിയിച്ചു.
