AGRICULTURE

റബ്ബർ വില ഉയരുന്നു; 200 ലേക്ക് എത്തുമോ എന്ന പ്രതീക്ഷയിൽ കർഷകർ

Published

3 years ago

October 30, 2020

kothamangalamnews.com

കോതമംഗലം : റബർ ഷീറ്റിന് ആഭ്യന്തരവില ഉയരുന്നു. രണ്ടാഴ്ചക്കുള്ളിൽ റബർ ഷീറ്റിന് ആഭ്യന്തരവില 180 വരെ എത്തിയേക്കുമെന്നു മാർക്കറ്റ് വൃത്തങ്ങൾ അടക്കം പറയുന്നു. ഒക്ടോബർ മാസത്തിന്‍റെ തുടക്കത്തിൽ ആർഎസ്എസ് നാല് ഗ്രേഡിന് 133.50 രൂപയും അഞ്ചാം ഗ്രേഡിന് 129.50 രൂപയുമായിരുന്നു. ഏറെനാളത്തെ കാത്തിരിപ്പിനുശേഷം വില 150 രൂപ കടന്നത്. ഇന്നലെ ചിലസ്ഥലങ്ങളിൽ 170 രൂപയ്ക്കു വരെ കച്ചവടം നടന്നതായി വ്യാപാരികൾ പറഞ്ഞു.

കേരളത്തിലെ വിലയേക്കാൾ ഉയർന്ന കുതിപ്പാണു വിദേശവിപണയിൽ. ആർഎഎസ് നാല് ഗ്രേഡിന് ഇന്നലെ വിദേശവില 200 രൂപ കടന്നു. ബാങ്കോക്കിലെ വില ഉയർന്ന് തന്നെയാണ് ഇന്നും നിൽക്കുന്നത്. (Market Pulse Tocom=+6.00 Malaysia=123.81-5.00, Bangkok=199.64-0.05, Rss4=159.50/160, Rss5=155, Loose=150, Lot=127/130, Scrap80%=93, Scrap78%=90.50, Isnr=123) വിദേശവിലയിൽ അതിവേഗമുണ്ടാകുന്ന വർധനയുടെ ചുവടുപിടിച്ച് ആഭ്യന്തര വിപണിയിൽ ഇന്നും വില ഉയരാനാണ് സാധ്യത. കർഷകർ ചണ്ടിപ്പാൽ കൂടുതൽ ആയി ഉണ്ടാക്കുന്നത് കൊണ്ട് ഷീറ്റ് റബറിന് ക്ഷാമമുള്ളതിനാൽ പ്രഖ്യാപിത വിലയേക്കാൾ രണ്ടു രൂപ വരെ ഉയർത്തി കഴിഞ്ഞ ദിവസങ്ങളിൽ വ്യാപാരം നടക്കുന്നുണ്ട്. ചൈനയിലും ഇന്ത്യയിലും വ്യാവസായിക ഉൽപ്പാദനം കൂടുതലായി നടക്കുന്നതുകൊണ്ട് റബ്ബർ വില ഉയർന്ന് തന്നെ നിൽക്കാനാണ് സാധ്യത.

AGRICULTURE

ഡ്രാഗൺ ഫ്രൂട്ട് വിളവെടുപ്പ് നടന്നു.

Published

2 months ago

August 6, 2023

kothamangalamnews.com

കോതമംഗലം : വാരപ്പെട്ടി പഞ്ചായത്തിലെ പത്താം വാർഡ് സ്വദേശിയും പൊതുപ്രവർത്തകനും സിപിഐ എം ലോക്കൽ കമ്മിറ്റി അംഗവും കർഷകസംഘത്തിന്റെ വാരപ്പെട്ടി വില്ലേജ് സെക്രട്ടറിയുമായ റെജി തന്റെ പുരയിടത്തിൽ മുന്നൂറോളം ചുവട് ഡ്രാഗൺ ഫ്രൂട്ട് കൃഷി ചെയ്ത് വിജയകരമായി വിളവെടുപ്പ് നടത്തി. ആദ്യ വിളവെടുപ്പ് ആന്റണി ജോൺ എം എൽ എ നിർവഹിച്ചു. വാരപ്പെട്ടി ഗ്രാമപഞ്ചായത്ത് പ്രസിഡന്റ് പി കെ ചന്ദ്രശേഖരൻ നായർ , വൈസ് പ്രസിഡന്റ് ബിന്ദു ശശി, വാർഡ് മെമ്പർ എം എസ് ബെന്നി, സി പി ഐ എം ഏരിയ സെക്രട്ടറി ഷാജി മുഹമ്മദ്, മനോജ് നാരായണൻ , സി എം മീരാൻകുഞ്ഞ്, കൃഷി ഓഫീസർ ഇ എം മനോജ് തുടങ്ങിയവർ സംബന്ധിച്ചു.

AGRICULTURE

കവളങ്ങാട് പഞ്ചായത്തിലെ ട്രൈബൽ വിഭാഗത്തിന് പച്ചക്കറി കൃഷിയിൽ പരിശീലനം നൽകി

Published

4 months ago

June 2, 2023

kothamangalamnews.com

കോതമംഗലം : കാർഷിക വികസന കർഷക ക്ഷേമ വകുപ്പ് കവളങ്ങാട് ഗ്രാമപഞ്ചായത്ത് കൃഷിഭവൻ്റെ നേതൃത്വത്തിൽ ട്രൈബൽ വിഭാഗത്തിന് പച്ചക്കറി കൃഷിയിൽ പരിശീലനം നൽകി. ആത്മയുടെ പ്രത്യേക ഘടകപദ്ധതിയിൽ ഉൾപ്പെടുത്തി നേര്യമംഗലം ട്രൈബൽ സെറ്റിൽമെൻ്റ് കോളനിയിലെ കർഷകർക്കാണ് പരിശീലനം നൽകിയത്.കോളനിയിൽ കൃഷി ചെയ്യുന്നതിനു മാത്രമായി നൽകിയിട്ടുള്ള 25 ഏക്കർ സ്ഥലത്ത് കൃഷിയിറക്കുകയാണ് പരിശീലനത്തിലൂടെ ലക്ഷ്യമിടുന്നത്.

രാവിലെ 10 മണിക്ക് സെറ്റിൽമെൻ്റ് കോളനിയിൽ വച്ച് നടന്ന ചടങ്ങിൽ കവളങ്ങാട് പഞ്ചായത്ത് പ്രസിഡൻ്റ് സൈജൻ്റ് ചാക്കോ പരിശീലപരിപാടി ഉത്ഘാടനം ചെയ്തു. ഗ്രാമപഞ്ചായത്ത് വൈസ് പ്രസിഡൻ്റ് ജിംസിയ ബിജു അദ്ധ്യക്ഷത വഹിച്ചു.റിട്ടയേർഡ് കൃഷി ഓഫീസർ ജോഷി പി എം ക്ലാസ്സ് നയിച്ചു.ബാബു എ എൻ, ശോഭ തങ്കപ്പൻ, ബിന്ദു സോമൻ, കുഞ്ഞുമോൾ ബദറുദ്ധീൻ, പ്രമോട്ടർ അജ്ഞുമോൾ ഭാസ്കരൻ, കൃഷി അസിസ്റ്റൻ്റുമാരായ വിനീഷ് പി എൻ, ഫാത്തിമ എ എ, ആത്മ ബ്ലോക്ക് ടെക്നോളജി മാനേജർ രജ്ഞിത്ത് തോമസ് തുടങ്ങിയവർ പങ്കെടുത്തു. കൃഷി ഓഫീസർ സജി കെ.എ സ്വാഗതവും അസിസ്റ്റൻറ് കൃഷി ഓഫീസർ സാജു കെ.സി കൃതജ്ഞതയും പറഞ്ഞു.

AGRICULTURE

കാറ്റിലും മഴയിലും കോതമംഗലം മേഖലയിൽ കനത്ത കൃഷി നാശം; ഒരു കോടിക്ക് മുകളിൽ നഷ്ടം

Published

4 months ago

May 31, 2023

kothamangalamnews.com

കോതമംഗലം : ഇന്നലെ വൈകിട്ട് ഉണ്ടായ കാറ്റിലും മഴയിലും കോതമംഗലത്തെ 5 പഞ്ചായത്തുകളിൽ കനത്ത കൃഷി നാശം. ഇരുന്നൂറോളം കർഷകർകരുടെ 26,600 വാഴകൾ നശിച്ചു. 1.10 കോടിയുടെ പ്രാഥമിക നഷ്ടം കണക്കാക്കുന്നു. കോതമംഗലം മുനിസിപ്പാലിറ്റിയിൽ 150 കർഷകരുടെ 12,000 കുലച്ച വാഴകൾ, 9000 കുലക്കാത്ത വാഴകൾ. ആകെ 21,000 വാഴകൾക്ക് 60 ലക്ഷം രൂപയുടെ പ്രാഥമിക നാശനഷ്ടം വിലയിരുത്തുന്നു.

വാരപ്പെട്ടിയിൽ 25 കർഷകരുടെ 2500 കുലച്ച വാഴകളും 2500 കുലക്കാത്ത വാഴകളും ഉൾപ്പെടെ ആകെ 20 ലക്ഷം രൂപയുടെ നഷ്ടവും , നെല്ലിക്കുഴിയിൽ 6 കർഷകരുടെ 100 കുലച്ചതും, 150 കുലക്കാത്തതുമായി 250 വാഴകൾക്ക് 95,000 രൂപയുടെ നഷ്ടവും , പിണ്ടിമനയിൽ 6 കർഷകരുടെ 150 കുലച്ചത്, 100 കുലക്കാത്തത്, റബ്ബർ 4 എണ്ണം 1.05 ലക്ഷം രൂപയുടെ നഷ്ടവും , കോട്ടപ്പടിയിൽ 2 കർഷകരുടെ 100 വാഴകൾ 40,000 രൂപയുടെ നഷ്ടവും പ്രാഥമികമായി കണക്കാക്കുന്നു.