കോതമംഗലം: കോട്ടപ്പടി സെന്റ് ജോർജ് ഇംഗ്ലീഷ് മീഡിയം സ്കൂളിൽ ജില്ല ഒളിമ്പിക് അസോസിയേഷനുമായി സഹകരിച്ച് ഓപ്പറേഷൻ തൂഫാൻ ദി നാർക്കോട്ടിക് ഹണ്ട് പ്രോഗ്രാമിന്റെ ഭാഗമായി ലഹരിക്കെതിരെ പോരാടാൻ ഗോളടിച്ച് സമ്മാനം നേടാം എന്ന കായിക പരിപാടിയിൽ പെനാൽറ്റി ഷൂട്ടൗട്ട് മത്സരം സംഘടിപ്പിച്ചു.
സ്കൂൾ ക്യാമ്പസിൽ സംഘടിപ്പിച്ച മത്സരത്തിന്റെ ഉദ്ഘാടനം കോതമംഗലംഅസിസ്റ്റന്റ് എക്സൈസ് ഇൻസ്പെക്ടർ എം .കെ ഫൈസൽ ഗോൾ പോസ്റ്റിലേക്ക് പന്ത് അടിച്ച് നിർവഹിച്ചു. സ്കൂൾ മാനേജർ എം.കെ വർഗീസ്ക്കുട്ടി അധ്യക്ഷത വഹിച്ചു.
ജില്ല ഒളിമ്പിക് അസോസിയേഷൻ ജനറൽ സെക്രട്ടറി ജോയി പോൾ,സ്കൂൾ പ്രിൻസിപ്പൽ റിയ മോൻസി,ജിജോ തോമസ്, ജി.സജീവൻ , ഷെറിൻ മനോജ് എന്നിവർ പ്രസംഗിച്ചു. ഇരുന്നൂറോളം വിദ്യാർത്ഥികൾ പെനാൽറ്റി ഷൂട്ടൗട്ട് മത്സരത്തിൽ പങ്കാളികളായി.
