കോതമംഗലം: പുരോഗമന കലാസാഹിത്യ സംഘം കോതമംഗലം മേഖല കമ്മിറ്റിയുടെ ആഭിമുഖ്യത്തിൽ കോതമംഗലം ടൗൺ യു.പി. സ്കൂളിൽ വച്ച് 2019 ഫെബ്രുവരി 1 ശനിയാഴ്ച വൈകുന്നേരം 4 മണിക്ക് പുരോഗമന പ്രസ്ഥാനത്തിന്റെ ആദ്യകാല പ്രവർത്തകനും പുരോഗമന കലാസാഹിത്യ സംഘത്തിന്റെ മുൻ പ്രസിഡന്റുമായിരുന്ന അന്തരിച്ച പി.എൻ. ശിവശങ്കരന്റെ കവിതാ സമാഹാരം “നോട്ട്ബുക്ക് ” പ്രശസ്ത ചിന്തകനും നിരൂപകനും എഴുത്തുകാരനുമായ കെ.ഇ.എൻ. കുഞ്ഞഹമ്മദ്, പി.എൻ. ശിവശങ്കരന്റെ ഭാര്യ ശാന്ത ശിവശങ്കരന് നൽകിക്കൊണ്ട് പ്രകാശനം ചെയ്യും.
![](https://i0.wp.com/kothamangalamnews.com/wp-content/uploads/2024/07/alfalah.jpeg?resize=600%2C750&ssl=1)
സ്വാഗത സംഘം ചെയർമാൻ ആർ. അനിൽകുമാർ അദ്ധ്യക്ഷത വഹിക്കുന്ന ചടങ്ങിൽ വച്ച് പുസ്തക പ്രകാശന ചടങ്ങിന്റെ ഉത്ഘാടനം ആന്റണിജോൺ എം.എൽ.എ. നിർവ്വഹിക്കും. ഇതോടനുബന്ധിച്ച് കോതമംഗലത്തും പരിസര പ്രദേശങ്ങളിലുമുള്ള എഴുത്തുകാർ പങ്കെടുക്കുന്ന “എഴുത്തനുഭവം” , “നാടൻ പാട്ട് ” എന്നീ അനുബന്ധ പരിപാടികളും നടക്കും.
![](https://kothamangalamnews.com/wp-content/uploads/2023/11/kothamangalamnews.png)
You must be logged in to post a comment Login