കോതമംഗലം: കുട്ടമ്പുഴ പഞ്ചായത്തിലെ വടാട്ടുപാറ വനിത സർവ്വീസ് സഹകരണ സംഘത്തിൻ്റെ ക്യാരി ബാഗ് യൂണീറ്റ് പ്രവർത്തനം ആരംഭിച്ചു.സംഘം പ്രസിഡൻ്റ് ശാന്തമ്മ പയസ് അദ്ധ്യക്ഷത വഹിച്ച ചടങ്ങിൽ ആൻ്റണി ജോൺ എം എൽ എ ക്യാരി ബാഗ് യൂണിറ്റിൻ്റെ ഉദ്ഘാടനം നിർവ്വഹിച്ചു. ബ്ലോക്ക് പഞ്ചായത്ത് പ്രസിഡൻ്റ് റഷീദ സലീം ആദ്യ വിൽപ്പന നിർവ്വഹിച്ചു.പഞ്ചായത്ത് പ്രസിഡൻ്റ് സന്ധ്യാ ലാലൂ മുഖ്യ പ്രഭാഷണം നടത്തി. ചടങ്ങിൽ പഞ്ചായത്ത് മെമ്പർമാരായ ഉഷ അയ്യൻപിള്ള,വിജയമ്മ ഗോപി,ബിൻസി മോഹനൻ,ലിസി ആൻ്റണി,അസിസ്റ്റൻ്റ് രജിസ്ട്രാർ കെ വി സുധീർ,സഹകരണ സംഘം ഇൻസ്പെക്ടർ പ്രവീൺ,ബോർഡ് അംഗങ്ങളായ ആശ ഷിബു,സിൻസി ജോഷി,വത്സ സലിമോൻ,നീന മണി,ഗീതു ബിനു,മാരിജ ബിജു,വിവിധ രാഷ്ട്രീയ – പാർട്ടി നേതാക്കൻമാരായ പി കെ പൗലോസ്,അനസ്,ഇ സി റോയി, ഇടമലയാർ ബാങ്ക് പ്രസിഡൻ്റ് ഉല്ലാസ് കെ രാജ്,റൂറൽ ബാങ്ക് പ്രസിഡൻ്റ് ജയിംസ് കോറമ്പേൽ,സംഘം സെക്രട്ടറി സ്റ്റെല്ല ആൻ്റണി എന്നിവർ പങ്കെടുത്തു. ബോർഡ് അംഗങ്ങളായ ജെസ്സി ജോയി സ്വാഗതവും,ഫൗസിയ അബ്ബാസ് നന്ദിയും പറഞ്ഞു.
