കുട്ടമ്പുഴ: പട്ടികളുടെ ആക്രമണത്തിൽ നിന്ന് രക്ഷപെടാൻ മ്ളാവ് ഓടിക്കയറിയത് വീടിനകത്തേക്ക്; ഇന്ന് രാവിലെ കുട്ടമ്പുഴയിലാണ് സംഭവം.
കുട്ടമ്പുഴ, അട്ടിക്കളം പ്ലാൻ്റേഷൻ റോഡിലുള്ള കൊരട്ടിക്കുന്നേൽ സാബുവിൻ്റെ വീട്ടിലേക്കാണ് പ്രാണരക്ഷാർത്ഥം മ്ലാവ് ഓടിക്കയറിയത്. കൂട്ടമായി ആക്രമിക്കാനെത്തിയ പട്ടികളിൽ നിന്ന് രക്ഷപെടാനാണ് മുൻവശത്തെ തുറന്നു കിടന്ന വാതിലിലൂടെ മ്ളാവ് വീടിനകത്ത് കയറിയത്.
ഉടനെ സാബുവും അയൽവാസികളും ചേർന്ന് മ്ളാവിനെ മുറിയിൽ പൂട്ടിയിടുകയായിരുന്നു. വിവരമറിയിച്ചതിനെ തുടർന്ന് കൂവപ്പാറ ഫോറസ്റ്റ് സ്റ്റേഷനിൽ നിന്ന് വനപാലകർ എത്തി മ്ളാവിനെ തിരികെ വനത്തിലേക്ക് തുറന്നു വിടുകയായിരുന്നു.
വന്യമൃഗശല്യം രൂക്ഷമായ പ്രദേശമാണ് ഇത്. കാട്ടാനകൾ ഈ മേഖലയിൽ വൻ കൃഷി നാശമാണ് വരുത്തിവക്കുന്നത്.
