കോതമംഗലം: കോട്ടപ്പടി പൊലീസ് സ്റ്റേഷന് ഐഎസ്ഒ സർട്ടിഫിക്കറ്റ്. കുറ്റകൃത്യങ്ങൾ തടയുക, കുറ്റവാളികളെ കണ്ടെത്തുക, ക്രമസമാധാന പാലനം, പൊതുജന സൗഹൃദം, ആധുനികവൽക്കരണം, ഭൗതിക സാഹചര്യങ്ങൾ, പാരിസ്ഥിതിക സംരക്ഷണം, തുടങ്ങിയവയിലെ മികവ് അടിസ്ഥാനമാക്കിയാണ് സർട്ടിഫിക്കറ്റ് നൽകിയത്.
സർട്ടിഫിക്കറ്റ് വിതരണച്ചടങ്ങ് കോട്ടപ്പടി സ്റ്റേഷനിൽ റേഞ്ച് ഡി ഐ ജി ഡോ എസ് സതീഷ് ബിനോ ഉദ്ഘാടനം ചെയ്തു. ജില്ലാ പോലീസ് മേധാവി എം ഹേമലത മുഖ്യ പ്രഭാഷണം നടത്തി.
ഐഎസ്ഒ പ്രതിനിധി എൻ ശ്രീകുമാർ സർട്ടിഫിക്കറ്റ് സമർപ്പിച്ചു. പെരുമ്പാവൂർ എഎസ്പി ശക്തി സിംഗ് ആര്യ അധ്യക്ഷനായി. അഡീഷണൽ എസ് പി എം കൃഷ്ണൻ, ഡിവൈ എസ് പി
മാരായ ജെ ഉമേഷ് കുമാർ,എം എ അബ്ദുൽ റഹീം, ടി എം വർഗീസ്,സജി മർക്കോസ് , ടി ആർ രാജേഷ്,പി എം ബൈജുഎന്നിവർ സംസാരിച്ചു.കോട്ടപ്പടി എസ് എച്ച്ഓ സാം ജോസ് സ്വാഗതവും എസ് ഐ മാർട്ടിൻ ജോസഫ് നന്ദിയും പറഞ്ഞു.
