കോതമംഗലം: കോതമംഗലം താലൂക്ക് ആശുപത്രിയിൽ 2.18 കോടി രൂപ മുടക്കി നവീകരിച്ച ഓ പി ബ്ലോക്കിൻ്റെ ഉദ്ഘാടനം ബഹു:ആരോഗ്യ വകുപ്പ് മന്ത്രി കെ കെ ശൈലജ ടീച്ചർ നിർവ്വഹിച്ചു. വീഡിയോ കോൺഫറൻസ് വഴിയാണ് ഉദ്ഘാടനം നിർവ്വഹിച്ചത്. ചടങ്ങിൽ ആന്റണി ജോൺ എം എൽ എ ശിലാഫലകം അനാഛാദനം ചെയ്തു. പഞ്ചായത്ത് പ്രസിഡൻ്റുമാരായ പി എം മജീദ്,വി സി ചാക്കോ,ഖദീജ മുഹമ്മദ്,ചന്ദ്രശേഖരൻ നായർ, മുനിസിപ്പൽ വൈസ് ചെയർമാൻ സിന്ധു ഗണേഷൻ,ജില്ല പഞ്ചായത്ത് അംഗങ്ങളായ റഷീദ സലിം, റാണിക്കുട്ടി ജോർജ്,മുൻസിപ്പൽ കൗൺസിലർമാരായ കെ എ നൗഷാദ്,കെ വി തോമസ്, ദേശീയ ആരോഗ്യ ദൗത്യം ജില്ലാ പ്രോഗ്രാം മാനേജർ ഡോക്ടർ മാത്യൂസ് നമ്പേലി,താലൂക്ക് ആശുപത്രി സൂപ്രണ്ട് ഡോക്ടർ എൻ യു അഞ്ജലി എന്നിവർ സന്നിഹിതരായിരുന്നു.
