കോതമംഗലം : ഭാരതീയ ദളിത്‌ സാഹിത്യ അക്കാദമിയുടെ സേവാരത്ന പുരസ്‌കാരം കോതമംഗലം സേവാ കിരൺ സൊസൈറ്റിക്ക്.
സേവന രംഗത്തെ
സമഗ്ര സംഭാവനകൾക്ക് ഭാരതീയ ദളിത്‌ സാഹിത്യ അക്കാദമി നൽകുന്ന പുരസ്‌ക്കാരമാണ് സേവാരത്ന.
2018ലെ പ്രളയദുരന്തത്തിലും
കോവിഡ് മഹാമാരിയുടെ പശ്ചാത്തലത്തിലും സേവാ കിരൺ ചാരിറ്റബിൾ സോസൈറ്റിയുടെ പ്രവർത്തകർ മികച്ച സേവന പ്രവർത്തനങ്ങളാണ് കാഴ്ചവെച്ചത്.
വെള്ളപ്പൊക്ക സമയത്ത് തൃക്കാരിയൂർ,കോതമംഗലം, മൂവാറ്റുപുഴ, വല്ലം തുടങ്ങിയ പ്രധാന സ്ഥലങ്ങളിലും ഉൾപ്രദേശങ്ങളിലും ഇവർ നടത്തിയ സേവനങ്ങൾ പത്ര മാധ്യമങ്ങൾ വാർത്ത ആക്കിയിരുന്നു.
കോവിഡ് മഹാമാരിയുടെ മൂർദ്ധന്യതയിൽ കോതമംഗലത്ത് വിവേകാനന്ദ വിദ്യാലയം കേന്ദ്രമാക്കി ക്വറന്റൈൻ സെന്ററുകളും ഒരുക്കിയിരുന്നു.കോവിഡാനന്തര ശുചീകരണ പ്രവർത്തനങ്ങളിലും സൊസൈറ്റി പ്രവർത്തകർ മുന്നിട്ടിറങ്ങി.
അമ്പലപ്പുഴയിൽ വച്ച് നടന്ന ചടങ്ങിൽ സേവാ കിരൺ ചാരിറ്റബിൾ സോസൈറ്റിക്ക് വേണ്ടി ജോയിന്റ് സെക്രട്ടറി പി ജി സജീവ് ചലച്ചിത്ര താരം പ്രമോദ് ൽ നിന്ന് പുരസ്‌കാരം ഏറ്റു വാങ്ങി.
