കോതമംഗലത്ത് കോളേജ് വിദ്യാര്‍ഥി മുങ്ങിമരിച്ചു

കോതമംഗലം: കൂട്ടുകാർക്കൊപ്പം കുളിക്കാനിറങ്ങിയ കോളേജ് വിദ്യാർത്ഥി പുഴയിൽ മുങ്ങിമരിച്ചു. പുതുപ്പാടി എൽദോ മാർ ബസേലിയോസ് കോളേജ് ഒന്നാം വർഷ ബിരുദ വിദ്യാർത്ഥി കൊല്ലം ഓച്ചിറ, പ്രയാർ തെക്ക് ആലും പീടിക, മറൂൽ ഹൗസ് അബ്ദുൽ കലാമിൻ്റെ മകൻ മുഹമ്മദ് *ഖൈസ് (18) ആണ് മരണപെട്ടത്. ഞായറാഴ്ച്ച ഉച്ചകഴിഞ്ഞ് കൂട്ടുകാരോടൊപ്പം കോതമംഗലം പുഴയിൽ പുതുപ്പാടി കുമ്പപ്പിള്ളി കടവിൽ കുളിക്കാനിറങ്ങിയതാണ്. നാട്ടുകാരും അഗ്നി രക്ഷ സേനയും ചേർന്ന് നടത്തിയ തെരച്ചിലിൽ മൃതദേഹം കണ്ടെടുത്തത്. മൃതദേഹം താലൂക്ക് ആശുപത്രി മോർച്ചറിയിൽ.