കോതമംഗലം: മലങ്കര സഭയും സഭയുടെ ആരാധനാലയങ്ങളും പ്രതിസന്ധികൾ നേരിട്ടപ്പോൾ നമ്മെ സഹായിക്കാനായി ഓടിയെത്തുകയും നീതി തേടിയുള്ള നമ്മുടെ പ്രയാണത്തിൽ മുന്നിൽ നിന്ന് പ്രവർത്തിക്കുകയും ചെയ്ത ഷെവ: ഷിബു തെക്കുംപുറവുമായി നമുക്ക് ഒരിക്കലും മറക്കാൻ
കഴിയാത്ത വിധമുള്ള ആത്മ ബന്ധമാണുള്ളത് എന്ന് ശ്രേഷ്ഠ കാതോലിക്ക തോമസ് പ്രഥമൻ ബാവ. ബസേലിയോസ് തോമസ് പ്രഥമൻ കാതോലിക്കാ ബാവയെ സഭാ ആസ്ഥാനത്ത് പോയി സന്ദര്ശിച്ചു അനുഗ്രഹം വാങ്ങുകയായിരുന്നു ഷിബു തെക്കുംപുറം. ജീവിതത്തിലെ എല്ലാ നിർണായക മുഹൂർത്തങ്ങളിലും പരിശുദ്ധ ബാവയുടെ അനുഗ്രഹവും, കരുതലും കൂടെയുണ്ടായിരുന്നു എന്ന് അദ്ദേഹം വെളിപ്പെടുത്തുന്നു.
പാർലമെൻ്ററി രാഷ്ട്രിയത്തിലേക്ക് വരുന്നത് സമൂഹത്തോടും, സമുദായത്തോടുമുള്ള ഉത്തരവാദിത്വം വർധിപ്പിക്കുകയാണെന്ന് അദ്ദേഹം ഓർമിപ്പിക്കുകയും, നിറഞ്ഞ മനസോടെ അനുഗ്രഹിക്കുകയും ചെയ്തു. പ്രാർത്ഥനയും, അനുഗ്രഹവും, സഭ മക്കൾ മത്സരിക്കുന്ന ഇടങ്ങളിൽ സഭയുടെ പിന്തുണയും ബാവ ഉറപ്പു നൽകുകയും ചെയ്തു. ജീവിതത്തിലെന്നും ബാവയുടെ കരുതൽ വലിയ ഊർജമായിരുന്നു എന്നും ഈ പുതിയ നിയോഗത്തിൽ പരിശുദ്ധ ബാവയുടെ അനുഗ്രഹവും, പിന്തുണയും മുന്നാട്ടുള്ള വഴികളിൽ പ്രകാശം ചൊരിയുമെന്ന് ഉറച്ച വിശ്വാസമുണ്ടെന്ന് ഷിബു തെക്കുംപുറം പറഞ്ഞു.
