Connect with us

Hi, what are you looking for?

NEWS

വിശുദ്ധിയുടെ പരിമളം വീശുന്ന 101 വിശുദ്ധരുടെ നാമത്തിൽ ബലിപീഠങ്ങൾ കൂദാശ ചെയ്തു.

കോതമംഗലം: മഹാ പരിശുദ്ധനായ യൽദോ മാർ ബസേലിയോസ് ബാവായുടെ കബറിടം സ്ഥിതി ചെയ്യുന്ന ആഗോള സർവ്വ മത തീർത്ഥാടന കേന്ദ്രമായ കോതമംഗലം മാർ തോമ ചെറിയ പള്ളിയിൽ 101 ബലിപീഠങ്ങൾ കൂദാശ ചെയ്തു. സന്ധ്യാ നമസ്ക്കാരത്തിനു ശേഷമാണ് വിശ്വാസികൾക്ക് നയനാനന്ദകരവും ദിവ്യവുമായ അനുഭൂതി പകർന്ന ചരിത്ര സംഭവമായിരുന്നു 101 ത്രോണോസുകളുടെ കൂദാശ . ശ്രേഷ്ഠ കാതോലിക്ക ആബൂൻ മോർ ബസേലിയോസ് തോമസ് പ്രഥമൻ ബാവായുടെ മഹാ പൗരോഹിത്യ സുവർണ്ണ ജൂബിലി ആഘോഷങ്ങളുടെ ഭാഗമായിട്ടാണ് വി. നൂറ്റി ഒന്നിന്മേൽ കുർബ്ബാന വെള്ളിയാഴ്ച വൈകിട്ട് 6 മണിക്ക് ക്രമീകരിച്ചിരിക്കുന്നത്.

അങ്കമാലി ഭദ്രാസന സഹായ മെത്രാപ്പോലീത്ത ഡോ.എബ്രഹാം മോർ സേവേറിയോസ് തിരുമേനി ബലിപീഠ കൂദാശയ്ക്ക് മുഖ്യ കാർമ്മികത്വം വഹിച്ചു. കോതമംഗലം മേഖലാധിപൻ ഏലിയാസ് മോർ യൂലിയോസ് മെത്രാപ്പോലീത്ത, ഹൈറേഞ്ച് മേഖലാധിപൻ ഏലിയാസ് മോർ അത്താനാസിയോസ് മെത്രാപ്പോലീത്ത വിശുദ്ധ നാടുകളുടെ മെത്രാപ്പോലീത്ത മാത്യൂസ് മോർ തീമോത്തിയോസ് മെത്രാപ്പോലീത്ത എന്നിവർ സഹകാർമ്മികരാവും.

ചെറിയ പള്ളി വികാരി ഫാ.ജോസ് പരത്തുവയലിൽ, സഹ വികാരിമാരായ ഫാ.ജോസ് തച്ചേത്ത്കുടി ,ഫാ. ഏലിയാസ് പൂമറ്റത്തിൽ, ഫാ.ബിജോ കാവാട്ട് ഫാ. ബേസിൽ ഇട്ടിയാണിയക്കൽ, അങ്കമാലി ഭദ്രാസന സെക്രട്ടറി ഫാ.പൗലോസ് തളിക്കാട്ട്, ഭദ്രാസന വൈദീക സെക്രട്ടറി ഫാ.വർഗീസ് തെക്കേക്കര കോർ എപ്പിസ്കോപ്പ , കോതമംഗലം മേഖലാ സെക്രട്ടറി ഫാ.എൽദോസ് പുൽ പറമ്പിൽ , കോതമംഗലം മേഖല വൈദീക സെക്രട്ടറി ഫാ. കുര്യാക്കോസ് ചാത്തനാട്ട് , മേഖലയിലെ വൈദീകർ,പള്ളി ട്രസ്റ്റിമാരായ അഡ്വ.സി.ഐ. ബേബി ചുണ്ടാട്ട്, ബിനോയി തോമസ് മണ്ണംഞ്ചേരി, ജനപ്രതിനിധികൾ പള്ളി മാനേജിംഗ് കമ്മിറ്റി അംഗങ്ങൾ, കുടുംബ യൂണിറ്റ് അംഗങ്ങൾ, സണ്ടേസ്കൂൾ അദ്ധ്യാപകർ, യൂത്ത് അസ്സോസിയേഷൻ പ്രവർത്തകർ , വനിതാ സമാജാംഗങ്ങൾ . വിശ്വാസി സമൂഹം എന്നിവർ സംബന്ധിച്ചു.

You May Also Like

NEWS

ഷാനു പൗലോസ് കോതമംഗലം / പുത്തൻകുരിശ്: യാക്കോബായ സുറിയാനി സഭയുടെ പാർലമെന്റായ യാക്കോബായ സുറിയാനി ക്രിസ്ത്യാനി അസോസിയേഷനിൽ നടന്ന തെരെഞ്ഞെടുപ്പിൽ നിലവിലെ ഭരണ സമിതിക്കെതിരെ  വൻ ഭൂരിപക്ഷത്തോടെ അധികാര സ്ഥാനത്തേക്ക് പുതുനേതൃത്വം. മലങ്കര...

NEWS

കോതമംഗലം: മഹാ പരിശുദ്ധനായ ബസേലിയസ് ബാവയുടെ 332മത് ഓർമ്മ പെരുന്നാൾ കന്നി 20 നോടനുബന്ധിച്ച് വ്യാപാരി വ്യവസായി ഏകോപനസമിതി വനിതാ വിംഗ് കോതമംഗലം നിയോജക മണ്ഡലം കമ്മറ്റിയുടെ നേതൃത്വത്തിൽ ഷീ കൗണ്ടർ പ്രവർത്തനം...

NEWS

കോതമംഗലം : ആഗോള സര്‍വ്വമത തീര്‍ത്ഥാടന കേന്ദ്രമായ കോതമംഗലം മാര്‍ തോമ ചെറിയ പള്ളിയില്‍ കബറടങ്ങിയിരിക്കുന്ന പരി. യല്‍ദോ മാര്‍ ബസേലിയോസ് ബാവായുടെ സ്മരണാര്‍ത്ഥം തപാല്‍ വകുപ്പ് സ്‌പെഷ്യല്‍ പോസ്റ്റല്‍ കവര്‍ പുറത്തിറക്കി....

EDITORS CHOICE

ഷാനു പൗലോസ് കോതമംഗലം: യാക്കോബായ സുറിയാനി സഭയിലേക്ക് സന്യസ്ഥ വൈദീകനായി ഉയർത്തപ്പെട്ട ഫാ. ഗീവർഗീസ് വട്ടേക്കാട്ടിൻറെ ( ഫാ.ടോണി കോര ) പുത്തൻ കുർബ്ബാന ഇടവകപള്ളിയായ കോട്ടപ്പടി കൽക്കുന്നേൽ സെന്റ് ജോർജ്ജ് യാക്കോബായ...