കോതമംഗലം :- കോതമംഗലം മണ്ഡലത്തിലെ കീരംപാറ സ്മാർട്ട് വില്ലേജ് ഓഫീസ് മെയ് 7 ന് റവന്യൂ മന്ത്രി കെ രാജൻ നാടിന് സമർപ്പിക്കുമെന്ന് ആന്റണി ജോൺ എം എൽ എ അറിയിച്ചു.സർക്കാരിന്റെ സ്മാർട്ട് വില്ലേജ് പദ്ധതിയിൽ ഉൾപ്പെടുത്തി 44 ലക്ഷം രൂപ അനുവദിച്ചാണ് നിർമ്മാണം പൂർത്തീകരിച്ചത്. കീരംപാറ വില്ലേജ് ഓഫീസ് സ്മാർട്ട് ആകുന്നതോടെ ഭൗതീക സാഹചര്യങ്ങളിൽ വലിയ മാറ്റങ്ങൾ ഉണ്ടാകുന്നതോടൊപ്പം തന്നെ റിസപ്ഷൻ ഓൺലൈൻ സൗകര്യങ്ങളും കാര്യക്ഷമമാകും.ഇതോടെ വില്ലേജ് ഓഫീസിൽ എത്തിച്ചേരുന്നവർക്ക് മെച്ചപ്പെട്ട സേവനം ലഭ്യമാകുമെന്നും എം എൽ എ പറഞ്ഞു.
പുതിയ സ്മാർട്ട് വില്ലേജ് ഓഫീസ് മെയ് 7 ന് റവന്യൂ മന്ത്രി നാടിന് സമർപ്പിക്കുന്നതോടെ പ്രദേശ വാസികളുടെ ദീർഘനാളായുള്ള ആവശ്യമാണ് സാക്ഷാത്കരിക്കപ്പെടുന്നതെന്നും, കീരംപാറയ്ക്ക് പുറമെ നേര്യമംഗലം, ഇരമല്ലൂർ സ്മാർട്ട് വില്ലേജ് ഓഫീസുകളുടെ നിർമ്മാണ പ്രവർത്തനങ്ങൾ പുരോഗമിക്കുകയാണെന്നും എം എൽ എ അറിയിച്ചു.
