കവളങ്ങാട് : അനധികൃത മദ്യ വിൽപ്പന നടത്തിയ ആളെ അറസ്റ്റ് ചെയ്തു. തലക്കോട് ചെക്ക്പോസ്റ്റ് പുത്തൻപുരയ്ക്കൽ വീട്ടിൽ മാത്യൂസ് (മത്തൻ 48) നെയാണ് ഊന്നുകൽ പോലീസ് അറസ്റ്റ് ചെയ്തത്. എറണാകുളം റൂറൽ ജില്ലാ പോലീസ് മേധാവിയ്ക്ക് ലഭിച്ച രഹസ്യ വിവരത്തിന്‍റെ അടിസ്ഥാനത്തിൽ നടത്തിയ പരിശോധനയിലാണ് അനധികൃത മദ്യവിൽപ്പന പിടികൂടിയത്. തലക്കോട് ചെക്ക് പോസ്റ്റ് ഭാഗത്ത് വച്ചാണ് ഇയാളെ പിടികൂടിയത്. നാല് ലിറ്ററോളം ഇന്ത്യൻ നിർമ്മിത വിദേശ മദ്യവും ഇയാളിൽ നിന്ന് പിടികൂടി. ഊന്നുകൽ പോലീസ് സ്‌റ്റേഷനിലെ റൗഡി ലിസ്റ്റിൽ ഉൾപ്പെട്ടിട്ടുള്ളയാളാണ്. കോടതിയിൽ ഹാജരാക്കി റിമാൻഡ് ചെയ്തു.
മൂവാറ്റുപുഴ ഡി.വൈ.എസ്.പി എസ്.മുഹമ്മദ് റിയാസിന്‍റെ നേതൃത്വത്തിലുള്ള അന്വേഷണ സംഘത്തിൽ എസ്.ഐ കെ.പി.സിദ്ധിഖ്, എസ്.സി.പി.ഒ മാരായ ജിജോ മാത്യു, സനൽ, സി.എം.ഷിബു, ജോഷി മാത്യു, പി.പി.എൽദോസ്, ഫൈസൽ എന്നിവരെ കൂടാതെ ജില്ലാ ഡാൻസാഫ് ടീമംഗങ്ങളും ഉണ്ടായിരുന്നു.
