കോതമംഗലം: കവളങ്ങാട് പഞ്ചായത്ത് ജീവനക്കാരി വീട്ടുമുറ്റത്തെ ഇരുമ്പ് തൂണിൽ നിന്ന് വൈദ്യുതാഘാതമേറ്റു മരിച്ചു.പരീക്കണ്ണി കുളമ്പക്കര പരേതനായ അയ്യപ്പൻ്റെ ഭാര്യ തങ്കമ്മ (73) യാണ് മരിച്ചത്. വെള്ളിയാഴ്ച രാവിലെ ഏഴോടെ വീട്ടിൽ മുറ്റമടിക്കുമ്പോഴാണു അപകടം.
തുണിയിടുന്നതിനായി അയകെട്ടിയിരുന്ന ഇരുമ്പു തൂണിലേക്ക് ഇലക്ട്രിക് വയർ വലിച്ച് ലൈറ്റും സ്ഥാപിച്ചിരുന്നു. ഇൻസുലേഷൻ പോയ ഇലക്ട്രിക് വയർ മടിക്കിടന്ന ഇരുമ്പ് തൂണിൽ നിന്നാണു ഷോക്കേറ്റത്. പറമ്പിൽ മരക്കച്ചവടത്തിനെത്തിയവരാണു തങ്കമ്മ മുറ്റത്തു വീണുകിടക്കുന്ന നിലയിൽ കണ്ടത്. സംസ്കാരം ശനിയാഴ് 10ന് വീട്ടുവളപ്പിൽ.
കവളങ്ങാട് പഞ്ചായത്ത് ഓഫീസിൽ ദീർഘകാലമായി സ്വിപ്പറായിരുന്നു തങ്കമ്മ.മക്കൾ: ലേഖ, ഷാജി, സുനി. മരുമക്കൾ: നിഷ, രതീഷ്, പരേതനായ ശിവദാസ്.
