കവളങ്ങാട് : ബസ്സിൽ വിദ്യാർത്ഥിനിക്കു നേരെ അതിക്രമം, യുവാവിനെ കൈകാര്യം ചെയ്ത് ഊന്നുകൽ പോലീസിലേൽപിച്ച് നെല്ലിമറ്റം എംബിറ്റ്സ് എഞ്ചിനീയറിംഗ് കോളജ് വിദ്യാർത്ഥിനിയുടെ സമയോജിത ബുദ്ധിപൂർവ്വ ഇടപെടൽ. പെൺകുട്ടിയെ അഭിനന്ദിച്ച് പോലീസ്. അടിമാലി ചാറ്റുപാറ സ്വദേശി അരുണാണ് പിടിയിലായത്. നെടുങ്കണ്ടം – എറണാകുളം റൂട്ടിൽ സർവ്വീസ് നടത്തുന്ന കെ.എസ്.ആർ.ടി.സി.ബസ്സിൽ ഇന്ന് രാവിലെയാണ് സംഭവം. നെടുങ്കണ്ടം സ്വദേശിനിയായ വിദ്യാർത്ഥിനി നെല്ലിമറ്റം എംബിറ്റ്സ് കോളജിലേക്ക് ഉള്ള യാത്രയിൽ ഉറങ്ങി പോയിരുന്നു.
അടിമാലി ചാറ്റുപാറയിൽ നിന്നും കയറിയ യുവാവ് പെൺകുട്ടിക്ക് നേരെ അതിക്രമം കാണിച്ച് ശല്യം തുടരുകയും അതിരുവിട്ട സാഹചര്യത്തിൽ പെൺകുട്ടി തിരുവനന്തപുരം പോലീസ് കൺട്രോൾ റൂമിലേക്ക് ഫോൺ വഴി മെസ്സേജ് അയയ്ക്കുകയും തുടർന്ന് ഊന്നുകൽ എസ്.ഐ. ശരത്തിൻ്റെ നേതൃത്വത്തിൽ യുവാവിനെ പോലീസ് സ്റ്റേഷനിലെത്തിക്കുകയുമായിരുന്നു. ഊന്നുകൽ പോലീസ് യുവാവിനെ തിരെ കേസെടുത്തു.
