കോതമംഗലം : തന്റെ ജന്മ ദിനം ആഘോഷമാക്കുന്നതിനു പകരം വേറിട്ടതാക്കി മാറ്റിയിരിക്കുകയാണ് ഒരു 8 വയസുകാരൻ. ചേലാട് പിണ്ടിമന ഗവ. യു. പി. സ്കൂൾ മൂന്നാം ക്ലാസ്സ്‌ വിദ്യാർത്ഥി നീരവ് പി അനീഷ്‌ ആണ് തന്റെ ജന്മ ദിനം വേറിട്ടതാക്കിയത്. ജന്മ ദിനത്തിൽ തനിക്ക് അറിവിന്റെ വെളിച്ചം പകർന്നു നൽകികൊണ്ടിരിക്കുന്ന വിദ്യാലയത്തിന്റെ തിരുമുറ്റത്ത് ചെടികൾ നട്ട് പിടിപ്പിച്ചാണ് തന്റെ പിറന്നാൾ ദിനം കൊണ്ടാടിയത്. നീരവിന്റെ ഈ ഉദ്യമത്തിന് എല്ലാവിധ പിന്തുണയുമായി സ്കൂളിലെ അദ്ധ്യാപിക രശ്മി ബി യും കൂടെ ഉണ്ടായി. കൊറോണയുടെ അടച്ചു പൂട്ടലിൽ ഓൺലൈൻ ക്ലാസിനു പുറമെ ചെടികൾ നട്ട് പ്രകൃതിയുടെ കാവലാളകുകയാണ് ഈ കൊച്ചു മിടുക്കൻ. ചേട്ടന് പിന്തുണയുമായി കുഞ്ഞനുജൻ നിരഞ്ചനും കൂടെയുണ്ട്. സാമൂഹിക പ്രവർത്തകനും, കൊച്ചി അന്താരാഷ്ട്ര വിമാനത്താവളത്തിലെ എയർ ഇന്ത്യ സെക്യൂരിറ്റി ഉദ്യോഗസ്ഥനുമായ മാലിപ്പാറ പോക്കാട്ട് അനിഷ് തങ്കപ്പൻ്റയും, കോതമംഗലം എം.എ.കോളേജ് ലാബ് അസിസ്റ്റൻ്റ് സൗമ്യയുടെയും മൂത്ത മകനാണ് നീരവ്.
