കോതമംഗലം: കോതമംഗലം – മുവാറ്റുപുഴ റോഡില് കോളേജ് ജംഗ്ഷനിൽ രൂപപ്പെട്ട വലിയകുഴി അപകടക്കെണിയാകുന്നു. വാട്ടര് അതോറിറ്റിയുടെ കുടിവെള്ള പൈപ്പ് പൊട്ടിയതും തുടര്ന്ന് നടത്തിയ അറ്റകുറ്റപണിയും ആണ് കുഴിരൂപപ്പെടാന് കാരണം. കുഴിയില് ചാടി ഇരുചക്ര വാഹനങ്ങള് അപകടത്തില്പ്പെട്ട സംഭവവുമുണ്ടായി. ഓട്ടോറിക്ഷകള്ക്കും മറ്റ് നാലുചക്ര വാഹനങ്ങള്ക്കും കുഴി ഭീക്ഷണിയായി മാറിയിരിക്കുകയാണ്. അപ്രതീഷിതമായി കുഴിയില് ചാടിയാല് വാഹനങ്ങള്ക്ക് നിയന്ത്രണം നഷ്ടപ്പെടും. അപകടം പതിവായതിനേതുടര്ന്ന് മുന്നറിയിപ്പ് നല്കാന് പ്ലാസ്റ്റിക് ബാരിക്കേഡ് വച്ചിട്ടുണ്ട്. സമീപത്തെ വ്യാപാരികളാണ് ഈ ബാരിക്കേഡ് വച്ചത്. പൈപ്പുകളുടെ അറ്റകുറ്റപണി നടത്തുമ്പോള് രൂപപ്പെടുന്ന കുഴി ഉടന് അടക്കണമെന്ന് നിര്ദേശമുള്ളതാണ്. എന്നാല് ഇവിടെ ഇത് പാലിച്ചിട്ടില്ല. കുഴി അടക്കുന്നതില് അധികൃതര് കാണിക്കുന്ന അനാസ്ഥ അപകടങ്ങൾക്കിടയാക്കുകയാണ്.
