പിണ്ടിമന: അയിരൂർപ്പാടത്ത് വീട്ടിനോട് ചേർന്ന് കണ്ടെത്തിയ കൂറ്റൻ അണലിപ്പാമ്പിനെ ഇന്ന് പിടികൂടി.
അയിരൂർപ്പാടം സ്വദേശി മുഹമ്മദിൻ്റെ വീടിനോട് ചേർന്നുള്ള സ്ലാബിനടിയിലാണ് അണലിയെ കണ്ടത്. രണ്ട് മൂന്ന് ദിവസമായി അണലി ഈ സ്ലാബിനടിയിൽ ഒളിച്ചിരിക്കുകയായിരുന്നു. നാട്ടുകാർ വിവരമറിയിച്ചതിനെ തുടർന്ന് പാമ്പുപിടുത്ത വിദഗ്ദ്ധൻ ജൂവൽ ജൂഡി സ്ഥലത്തെത്തി നാട്ടുകാരുടെ സഹായത്തോടെ പിടികൂടുകയായിരുന്നു.
ഒന്നര മണിക്കൂറോളം നീണ്ടു നിന്ന പരിശ്രമത്തിനൊടുവിലാണ് സ്ലാബ് മാറ്റി പാമ്പിനെ പിടികൂടാനായത്. പിടികൂടിയ പാമ്പിനെ കോടനാട് വനപാലകർക്ക് കൈമാറി.
