കോതമംഗലം: നവംബർ 25 ഓൾ കേരള വീൽചെയർ റൈറ്റ്സ് ഫെഡറേഷൻ ( AKWRF) സ്ഥാപക ദിനാഘോഷം എറണാകുളം ജില്ലാ കമ്മിറ്റിയുടെ നേതൃത്വത്തിൽ കോതമംഗലം ബൈപാസ് ജംഗ്ഷനിൽ നടന്നു.
സ്ഥാപക ദിനത്തോടനുബന്ധിച്ച് നടന്ന ചടങ്ങിൽ സംസ്ഥാന ജനറൽ സെക്രട്ടറി രാജീവ് പള്ളുരുത്തിയും ജില്ലാ പ്രസിഡന്റ് മത്തായി വാരപ്പെട്ടിയും ചേർന്ന് പതാക ഉയർത്തി.
കോതമംഗലം മുൻസിപ്പാലിറ്റി മെമ്പർ ഷിബു കുര്യാക്കോസ് മുഖ്യാതിഥിയായി പങ്കെടുത്തു.
മധുരപലഹാര വിതരണം ജില്ലാ ഉപദേശ സമിതി അംഗങ്ങളായ മണി ശർമ്മ ,ദീപ മണി നിർവഹിച്ചു. ജില്ലാ സെക്രട്ടറി അജി മോൻ, സംസ്ഥാന എക്സിക്യൂട്ടീവ് കമ്മിറ്റി അംഗം പൈലി നെല്ലിമറ്റം, മുൻ ജില്ലാ സെക്രട്ടറി കെ ഒ ഗോപാലൻ, ജില്ലാ ട്രഷറർ എം കെ സുധാകരൻ ,സലീം മൂവാറ്റുപുഴ എന്നിവർ പങ്കെടുത്തു.
