കോതമംഗലം : മതനിരപേക്ഷ ഇന്ത്യ ഇടതുപക്ഷ കേരളം എന്ന മുദ്രാവാക്യമുയർത്തി മാഹാത്മാ ഗാന്ധി രക്തസാക്ഷി ദിനത്തിൽ എ ഐ വൈ എഫ് സംഘടിപ്പിക്കുന്ന രക്ത സാക്ഷ്യം ക്യാമ്പയിന്റെ പ്രചരണാർത്ഥം എ ഐ വൈ എഫ് സംസ്ഥാന ജോ.സെക്രടറി എൻ. അരുൺ ക്യാപ്റ്റനും ജില്ലാ പ്രസിഡന്റ് കെ.ആർ റെനീഷ് ഡയറക്ടറും പി.കെ.രാജേഷ്, കെ.എസ് ജയദീപ്, സിജി ബാബു, എം.ആർ. ഹരികൃഷ്ണൻ , എ.എസ് അഭിജിത് എന്നിവർ ജാഥാംഗങ്ങളുമായിസംഘടിപ്പിച്ചിട്ടുള്ള ജില്ലാ ജാഥ കോതമംഗലം നെല്ലിമറ്റത്ത് എ ഐ വൈ എഫ് സംസ്ഥാന പ്രസിഡണ്ട് ആർ.സജി ലാൽ ഉദ്ഘാടനം ചെയ്തു.
സംഘ പരിവാർ ഫാസിസ്റ്റ് ശക്തികളെയും വർഗ്ഗീയ പ്രസ്ഥാനങ്ങളെയും ശക്തിയാർജ്ജിക്കുവാൻ അനുവദിക്കാത്ത മണ്ണ് ഇടതുപക്ഷം ഭരിക്കുന്ന കേരളം മാത്രമാണെന്നും അതുകൊണ്ടു തന്നെയാണ് കേരള ജനത ഇടതുപക്ഷത്തിനൊപ്പം നിലയുറപ്പിക്കുന്നതെന്നും ആർ.സജിലാൽ പറഞ്ഞു . ഉദ്ഘാടന സമ്മേളനത്തിൽ എൻ എം അലിയാർഅദ്ധ്യക്ഷത വഹിച്ചു. പി.കെ രാജേഷ് ,S വിഷ്ണു, TA റിയാസ് ,N H നൗഷാദ് എന്നിവർ
പ്രസംഗിച്ചു.
