കോതമംഗലം: എസ്ഐആർ പിൻവലിക്കുക, ഗ്യാനേഷ്‌കുമാറിനെ പുറത്താക്കുക തുടങ്ങിയ ആവശ്യങ്ങളുന്നയിച്ച് ഡൽഹിയിൽ നടക്കുന്ന പ്രക്ഷോഭത്തിന് ഐക്യദാർഢ്യം പ്രഖ്യാപിച്ചുകൊണ്ട് കർഷസംഘം, സിഐടിയു, കെ എസ് കെ ടി യൂ, ഡിവൈഎഫ്ഐ, മഹിള അസോസിയേഷൻ, എസ്എഫ്ഐ എന്നിവയുടെ നേതൃത്വത്തിൽ വാരപ്പെട്ടിയിൽ നൈറ്റ് മാർച്ച് നടത്തി.
വാരപ്പെട്ടി ഹൈസ്കൂൾ കവലയിൽ നിന്ന് ആരംഭിച്ച നൈറ്റ് മാർച്ചിൽ കർഷകരും , തൊഴിലാളികളും , യുവാക്കളും , വിദ്യാർത്ഥികളും , മഹിളകളും പങ്കെടുത്തു. കർഷസംഘം എറണാകുളം ജില്ലാ സെക്രട്ടറി ആർ അനിൽകുമാർ സമാപനയോഗം ഉദ്ഘാടനം ചെയ്തു. മനോജ് നാരായണൻ അധ്യക്ഷതവഹിച്ചു. സിപിഎം ജില്ലാ സെക്രട്ടറിയേറ്റ് അംഗം ഷാജി മുഹമ്മദ്, സിപിഎം ഏരിയാ സെക്രട്ടറി എ.എ അൻഷാദ്, സോമ പുരുഷോത്തമൻ , കെ.പി ജയിംസ്, ഷിജോ അബ്രാഹാം, വി കെ റെജി, നിർമ്മല മോഹനൻ , ബേസിൽ ജയിംസ് എന്നിവർ പ്രസംഗിച്ചു.
