കോതമംഗലം: ഷിബു തെക്കുംപുറം എംഎൽഎയുടെ നേതൃത്വത്തിൽ സംഘടിപ്പിക്കുന്ന പൊളി ഓണം 2026 ന്റെ ഭാഗമായി ഒരുക്കിയ ഓണനിലാവ് പരിപാടികൾക്ക് വർണാഭമായ തുടക്കം. കലാഭവൻ പ്രജോദ്, സംവിധായകൻ എബ്രിഡ് ഷൈൻ എന്നിവർ ചേർന്ന് ഓണനിലാവ് ഉദ്ഘാടനം ചെയ്തു. ഷിബു തെക്കുംപുറം എംഎൽഎ അധ്യക്ഷതവഹിച്ചു.
തുടർന്ന് സെറിമണി ക്രിയേഷൻസിന്റെ നേതൃത്വത്തിൽ ഓണോത്സവം 2026 മെഗാഷോ അരങ്ങേറി. പ്രമുഖ കലാകാരന്മാർ അണിനിരന്ന സംഗീത-നൃത്ത പരിപാടികൾ ഉൾപ്പെടെയുള്ള കലാവിരുന്ന് വേറിട്ട ഓണാനുഭവമായി. ചടങ്ങിൽ മുനിസിപ്പൽ ചെയർപേഴ്സൺ ഭാനുമതി രാജു, ജോമി തെക്കേക്കര, എം.എസ്. എൽദോസ്, എ.ടി. പൗലോസ്, ജോർജ്ജ് അമ്പാട്ട്, സി.കെ. സത്യൻ, പി.സി. ജോർജ്ജ്, മാമ്മച്ചൻ ജോസഫ്, കെ.പി. കുര്യാക്കോസ് എന്നിവർ പങ്കെടുത്തു.
ഓണനിലാവിന്റെ ഭാഗമായി ഇന്ന് വൈകിട്ട് ആറിന് മാർ ബേസിൽ കൺവെൻഷൻ സെന്ററിൽ തുടി മ്യൂസിക്കൽ ഫോക്ക് ബാന്റ് രാഹുൽ കൊച്ചാപ്പിയും സംഘവും അവതരിപ്പിക്കുന്ന മണ്ണാളർ ജനകീയ നാട്ടീണങ്ങൾ അരങ്ങേറും. നാടൻ പാട്ടുകളും സംഗീതവും കോർത്തിണക്കിയ പരിപാടിയിലേക്ക് പ്രവേശനം സൗജന്യമാണ്. ഓണനിലാവ് – വരും ദിവസങ്ങളിലും വിവിധ കലാ-സാംസ്കാരിക പരിപാടികളോടെ തുടരും.
