കോതമംഗലം: രോഗികൾക്കും വികലാംഗർക്കും കിടപ്പു രോഗികൾക്കും ഏറെ ആശ്വാസകരമായി വീടുകളിൽ നേരിട്ട് സഹകരണ ബാങ്കുകൾ വഴി വിതരണം ചെയ്ത് വരുന്ന സാമൂഹ്യ ക്ഷേമ പെൻഷൻ വിതരണം ഷെഡ്യൂൾ ബാങ്കുകളിലേക്ക് ഡയറക്ട് ട്രാൻഫർ ചെയ്ത് നൽകാനുള്ള സർക്കാർ തീരുമാനത്തിൽ പ്രതിഷേധിച്ച് കേരള കോ- ഓപ്പറേറ്റീവ് എംപ്ലോയീസ് യൂണിയൻ കവളങ്ങാട് ഏരിയ കമ്മിറ്റിയുടെ നേതൃത്വത്തിൽ പ്രതിഷേധ പ്രകടനവും യോഗവും നടത്തി.
ലീവ് സറണ്ടർ തടഞ്ഞ സർക്കാർ തീരുമാനത്തിലും പ്രതിക്ഷേധിച്ചു.ക്ഷേമ പെൻഷൻ നേരിട്ട് നൽകുന്നത് ഒഴിവാക്കിയത് ഭാവിയിൽ പെൻഷൻ വിതരണം നിർത്തുന്നതിന് വേണ്ടിയിട്ടാണെന്ന് സമരക്കാർ ആരോപിച്ചു. കെ.സി.ഇ.യു. സംസ്ഥാന വൈസ് പ്രസിഡൻ്റ് ടി ആർ .സുനിൽ ഉദ്ഘാടനം ചെയ്തു. ഏരിയ പ്രസിഡന്റ് ആക്ഷിക്ക് കരിം അദ്ധ്യഷനായായിരുന്നു. ഏരിയ സെക്രട്ടറി കെ.കെ. ബിനോയി, അജ്മൽ ഷാജി, അഷ്കർ കരിം, ബേസിൽ തോമസ്, അരുൺ ഗോപി എന്നിവർ പ്രസംഗിച്ചു.
