കോതമംഗലം: പുതുപ്പാടി മരിയൻ അക്കാദമി മാനേജ്മെന്റ് സ്റ്റഡീസിലെ എൻഎസ്എസ് യൂണിറ്റിന്റെ നേതൃത്വത്തിൽ കോട്ടയം ജില്ലയിലെ പ്രളയബാധിത പ്രദേശങ്ങൾ സന്ദർശിക്കുകയും തലയോലപ്പറമ്പ് ഡി.ബി. കോളേജിൽ പ്രവർത്തിക്കുന്ന ദുരിതാശ്വാസ കളക്ഷൻ സെന്ററിൽ സഹായസാമഗ്രികൾ കൈമാറുകയും ചെയ്തു.
കോളേജിലെ അധ്യാപകരും വിദ്യാർത്ഥികളും ചേർന്ന് സമാഹരിച്ച ദുരിതാശ്വാസ സാമഗ്രികളാണ് മഹാത്മാ ഗാന്ധി സർവകലാശാല എൻഎസ്എസ് കോ-ഓർഡിനേറ്റർ ഡോ. ഇ. എൻ. ശിവദാസന് കൈമാറിയത്.
എൻഎസ്എസ് പ്രോഗ്രാം ഓഫീസർ പി. എസ്. ശരത്, വോളണ്ടിയർ സെക്രട്ടറി അമൽ ജോൺ ജോസഫ്, വോളണ്ടിയർ എബി എം. അലക്സ്, കോളേജ് അസിസ്റ്റന്റ് പ്രൊഫ. നിതിൻ മോഹനൻ എന്നിവർ ചേർന്നാണ് സഹായസാമഗ്രികൾ കൈമാറിയത്.
