കോതമംഗലം: പിഎം ശ്രീ പദ്ധതിയുമായി മുന്നോട്ടുപോകാൻ സർക്കാരിനെ അനുവദിക്കില്ലെന്നും, ധാർഷ്ട്യപൂർവ്വം മുന്നോട്ടുപോകാനാണ് സർക്കാർ തീരുമാനിക്കുന്നത് എങ്കിൽ ശക്തമായ യുവജന വിദ്യാർത്ഥി പോരാട്ടത്തെ നേരിടേണ്ടി വരുമെന്നും എഐവൈഎഫ് സംസ്ഥാന ജനറൽ സെക്രട്ടറി ടി.ടി ജിസ്മോൻ. എഐഎസ്എഫിന്റെ എറണാകുളം ജില്ലാ ക്യാമ്പ് നേര്യമംഗലം കമ്മ്യൂണിറ്റി ഹാളിൽ ഉദ്ഘാടനം ചെയ്യുകയായിരുന്നു അദ്ദേഹം. സ്വാതന്ത്ര്യസമര പോരാട്ടത്തിൽ ജനിച്ചു വീണ ഏക വിദ്യാർത്ഥി പ്രസ്ഥാനമാണ് എഐഎസ്എഫ്.
അടിച്ചമർത്തപ്പെട്ടവരുടെയും പാർശ്വവൽക്കരിക്കപ്പെട്ടവരുടെയും ഒപ്പംനിൽക്കുന്ന വിദ്യാർത്ഥി പ്രസ്ഥാനമായ എ ഐ എസ് എഫ് മയക്കുമരുന്നിനും വിദ്യാഭ്യാസ കച്ചവടത്തിനുംഎതിരെയുള്ള പോരാട്ടങ്ങളിൽ എന്ന് ഉറച്ചു നിൽക്കുമെന്നും അദ്ദേഹം പറഞ്ഞു.ജില്ലാ പ്രസിഡൻറ്സി.എ ഫയാസ് അധ്യക്ഷത വഹിച്ചു.എം.മുകേഷ് ക്ലാസെടുത്തു.
എഐഎസ്എഫ് സംസ്ഥാന പ്രസിഡന്റ്ബിബിൻ എബ്രഹാം സംസ്ഥാന ജനറൽ സെക്രട്ടറി അധിൻ അമ്പാടി,സിപിഐ ജില്ലാ സെക്രട്ടറി എൻ.അരുൺ സിപിഐ സംസ്ഥാന കൗൺസിലംഗം പി കെ രാജേഷ് ജില്ല അസിസ്റ്റൻറ് സെക്രട്ടറി എം എം ജോർജ്, മണ്ഡലം സെക്രട്ടറി പി ടി ബെന്നി, എഐവൈഎഫ് ജില്ല സെക്രട്ടറി കെ ആർ. റെനീഷ് , എ ഐഎസ് എഫ് ജില്ലാ സെക്രട്ടറി ഗോവിന്ദ് എസ് കുന്നുംപുറത്ത്, സംഘാടക സമിതി ചെയർമാൻ സിറിൽ ദാസ് ,പി എം ശിവൻ ,പി.കെ അലിയാർ എന്നിവർ പ്രസംഗിച്ചു
