കോതമംഗലം :വാരപ്പെട്ടി ഗ്രാമപഞ്ചായത്തിന്റെ 2025–26 സാമ്പത്തിക വർഷത്തെ പദ്ധതിയിലുൾപ്പെടുത്തി പൊതുസ്ഥലങ്ങളിൽ മാലിന്യ ബിന്നുകൾ സ്ഥാപിക്കുന്ന പ്രവർത്തനത്തനങ്ങൾക്ക് വാരപ്പെട്ടി കവലയിൽ മാലിന്യ ബിന്ന് സ്ഥാപിച്ചുകൊണ്ട് തുടക്കമിട്ടു .
ആന്റണി ജോൺ എംഎൽഎ ഉദ്ഘാടനം നിർവഹിച്ചു. ഗ്രാമപഞ്ചായത്ത് പ്രസിഡന്റ് സംഗീത പ്രതീഷ് അധ്യക്ഷത വഹിച്ചു. ശുചിത്വവും പരിസ്ഥിതി സംരക്ഷണവും ലക്ഷ്യമിട്ട് നടപ്പാക്കുന്ന ഈ പദ്ധതി ഗ്രാമത്തിന്റെ സൗന്ദര്യവും ആരോഗ്യസംരക്ഷണവും ഉറപ്പാക്കുന്നതിൽ വലിയൊരു ചുവടുവെപ്പായാണ് വിലയിരുത്തപ്പെടുന്നത്.
വൈസ് പ്രസിഡന്റ് പി.എ. യൂസഫ്, പഞ്ചായത്ത് അംഗങ്ങളായടി.എൻ. ശശി, അരുൺ അയ്യപ്പൻ, അജ്മി അൻസാരി എന്നിവർ സംസാരിച്ചു. വില്ലേജ് എക്സ്റ്റൻഷൻ ഉദ്യോഗസ്ഥരായ വിഷ്ണു, അജയൻ എന്നിവർ പദ്ധതി വിശദീകരിച്ചു. ഹരിത കർമ്മ സേന അംഗങ്ങളും പങ്കെടുത്തു.
“ശുചിത്വമുള്ള ഗ്രാമം, സുസ്ഥിരമായ ഭാവി” എന്ന സന്ദേശം ഉയർത്തിപ്പിടിച്ച്, പൊതുസ്ഥലങ്ങളിൽ മാലിന്യം തള്ളുന്ന പ്രവണത ഒഴിവാക്കി, ക്രമബദ്ധമായ മാലിന്യനിർമ്മാർജ്ജനം ഉറപ്പാക്കുന്നതിനാണ് ഈ പദ്ധതിയിലൂടെ ലക്ഷ്യമിടുന്നത്.ശുചിത്വ-പരിസ്ഥിതി സംരക്ഷണ രംഗത്ത് മാതൃകാപരമായ പ്രവർത്തനങ്ങൾ പഞ്ചായത്ത് തുടരുകയാണ്.
