കോതമംഗലം :പിണ്ടിമന ഗവ യുപി സ്കൂളിന്റെ 124-ാമത് വാർഷികാഘോഷം ഉത്സവാന്തരീക്ഷത്തിൽ നടന്നു. ഉദ്ഘാടനം ആൻറണി ജോൺ എംഎൽഎ നിർവഹിച്ചു.ഗ്രാമപഞ്ചായത്ത് പ്രസിഡൻറ് ജോർജ് കെ പി അധ്യക്ഷത വഹിച്ചു. സ്കൂളിലെ പൂർവ്വ വിദ്യാർത്ഥികളായ ഫാദർ ജീസസ് ഹോസ്പിറ്റൽ മാനേജിങ് ഡയറക്ടർ ഡോക്ടർ കെ പി വർഗീസിനെയും ഡെപ്യൂട്ടി കമ്മീഷണർ ഓഫ് കസ്റ്റം സി ആർ റോയ് വർഗീസിനെ ആദരിച്ചു.സ്കൂളിൻറെ അഡ്മിഷൻ രജിസ്റ്റർ ഡിജിറ്റലൈസ് രൂപത്തിലേക്ക് മാറ്റിയ നാട്ടുകാരനായ കേണൽ ഐസൻ ഓവറിനും സ്കൂളിൻറെ അംഗീകാരം നൽകി.
കോതമംഗലം സബ്ജില്ലാ കലോത്സവത്തിൽ ഒന്നാം സ്ഥാനം നേടിയ കുട്ടിക്ക് സിയാൽ കസ്റ്റംസ് ഡപ്യൂട്ടി കമ്മീഷണർ റോയി വർഗീസ് ക്യാഷ് അവാർഡ് നൽകി. കോതമംഗലം ബ്ലോക്ക് പഞ്ചായത്ത് പ്രസിഡന്റ് ജെസ്സി സാജു മുഖ്യപ്രഭാഷണം നടത്തി. പിണ്ടിമന ഗ്രാമപഞ്ചായത്തിലെ സ്കൂളുകൾക്ക് അനുവദിച്ച ലാപ്ടോപ്പിന്റെ വിതരണ ഉദ്ഘാടനവും നടന്നു.ബ്ലോക്ക് പഞ്ചായത്ത് വൈസ് പ്രസിഡൻറ് ബിജോയ് പി ജോസഫ് എൻഡോവുമെൻ്റുകൾ വിതരണം ചെയ്തു. ഗ്രാമപഞ്ചായത്ത് വൈസ് പ്രസിഡൻറ് ലതാ ഷാജി എൽ എസ് എസ് , യു എസ് എസ് പ്രതിഭകളെയും അയ്യങ്കാളി സ്കോളർഷിപ്പ് നേടിയവരെയും ആദരിച്ചു.
ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ സിബി ജയിംസ് പ്രൊഫഷൻ സി പ്രൈസ് വിതരണം നടത്തി.വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഷൗക്കത്തലി ശാസ്ത്രപ്രതിഭകളെ ആദരിക്കുകയും ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ സീന ബേസിൽ കലോത്സവ പ്രതിഭകളെ ആദരിക്കുകയും ചെയ്തു.ഹെഡ്മിസ്ട്രസ് ലിജി വി പോൾ സ്വാഗതവും എസ് എം സി ചെയർപേഴ്സൺ നിത്യ വിൽസൻ നന്ദിയും പറഞ്ഞു.പൂർവ്വ അധ്യാപകനായ എം വി കുര്യാക്കോസ്,പിടിഎ പ്രസിഡൻറ് അനീഷ് തങ്കപ്പൻ,എം പി ടി എ പ്രസിഡൻറ് പ്രിയങ്ക ധനുപ്,ഹെഡ് ബോയ് ജോൺ വിൽസൺ,ഹെഡ് ഗേൾ അന്ന ജയ്സൺ എന്നിവർ ആശംസകൾ അറിയിച്ചു.സമ്മേളനത്തിനുശേഷം കുട്ടികളുടെ കലാപരിപാടികളും
അരങ്ങേറി.
