കോതമംഗലം :കുത്തുകുഴി സർവ്വീസ് സഹകരണ ബാങ്കിൻ്റെ നേതൃത്വത്തിൽ ബാങ്കിൻ്റെ ലാഭത്തിൽ നിന്ന് വകമാറ്റിയ സാമൂഹ്യക്ഷേമനിധി ഫണ്ട് ഉപയോഗിച്ച് നടപ്പിലാക്കുന്ന പദ്ധതിയുടെ ഭാഗമായി ബാങ്കിൻ്റെ പ്രദേശത്തുള്ള മുഴുവൻ സർക്കാർ സ്കൂളുകളിലെ കുട്ടികൾക്കും സൗജന്യ യൂണീഫോമും, പഠനോപകരണവും, ബാങ്കിൽ നിന്ന് വായ്പ എടുത്ത് മരണപ്പെടുകയോ, മാരക രോഗം ബാധിക്കുകയോ ഉള്ള അംഗങ്ങളുടെ റിസ്ക്ക് ഫണ്ട് വിതരണവും നടത്തി. യോഗം ആൻ്റണി ജോൺ എം.എൽ.എ. ഉദ്ഘാടനം ചെയ്തു. ബാങ്ക് പ്രസിഡൻ്റ് കെ.കെ .വർഗീസ് അദ്ധ്യക്ഷത വഹിച്ച യോഗത്തിൽ ഭരണസമിതിയംഗം സി.എസ്. രാജു സ്വാഗതം പറഞ്ഞു. വാർഡ് കൗൺസിലർമാരായ ഭാനുമതി രാജു, വിദ്യാ പ്രസന്നൻ, പി . ആർ ഉണ്ണികൃഷ്ണൻ,ഹെഡ് മാസ്റ്റർമാരായ നിയാസ് എം , ശാന്ത പി അയ്യപ്പൻ, പ്രീത ബി എന്നിവർ സംസാരിച്ചു. സെക്രട്ടറി ബിന്ദു ആർ നന്ദി രേഖപ്പെടുത്തി. സാമൂഹ്യ ക്ഷേമ പദ്ധതികൾ ഇനിയും നടപ്പിലാക്കുമെന്ന് ബാങ്ക് പ്രസിഡൻ്റ് കെ.കെ .വർഗീസ് അറിയിച്ചു.
