കോതമംഗലം : പിണ്ടിമന പഞ്ചായത്ത് പത്താം വാർഡിൽ പള്ളി കവലക്ക് താഴെ നിരവധി കുടുബങ്ങൾ താമസിക്കുന്ന ഭാഗത്തേക്കുള്ള ഏക റോഡിൻ്റെ ശോചനീയാവസ്ഥ പരിഹരിക്കണമെന്നാവശ്യപ്പെട്ട് നാട്ടുകാർ രംഗത്ത് .
മഴ കാലമായതോടെ സ്ക്കൂളിൽ പോകുന്ന കുട്ടികൾക്ക് സഞ്ചരിക്കാൻ കഴിയാതായതോടെയാണ് പിണ്ടിമന പഞ്ചായത്ത് പത്താം വാർഡിലെ കമല സുരയ്യ റോഡിന് സമീപത്തെ സ്ത്രീകൾ അടക്കം പരാതിയുമായി എത്തിയത് .ഏതാനും ദിവസം മുമ്പ് ഈ വാർഡിലെ വിവിധ കനാൽ ബണ്ട് റോഡുകൾ നവീകരിച്ചതിൻ്റെ
ഉദ്ഘാടനം മന്ത്രി നിർവ്വഹിച്ചിരുന്നു .എന്നാൽ ജനങ്ങൾക്ക് പ്രയോജനപ്പെടേണ്ട പ്രധാനപ്പെട്ട മൂന്നോ നാലോ റോഡുകൾ ഒഴിവാക്കി നടത്തിയ നിർമ്മാണത്തിലുംഉദ്ഘാടനത്തിലുംപങ്കെടുക്കാതെ വാർഡിലെ ജനങ്ങൾ മാറി നിൽക്കും എന്ന് അറിയിപ്പ് ലഭിച്ചതോടെ വാർഡ് മെമ്പർ എസ് .എം .അലിയാർമുൻകൈ എടുത്ത് ഉദ്ഘാടന ചടങ്ങുകൾമുത്തംകുഴി എസ് .എൻ .ഡി .പി .ഹാളിൽ വെച്ച് നടത്തി അധികൃതർ തടിയൂരുകയായിരുന്നു .വാർത്തയിൽ പേര് വരാൻ മാത്രമായിനടത്തുന്ന പ്രഹസനമായി വാർഡിലെ വികസനങ്ങൾ മാറിയെന്ന് ജനങ്ങൾ കുറ്റപ്പെടുത്തുന്നു .അടിയന്തിരമായി
റോഡ് നന്നാക്കാത്ത പക്ഷം പഞ്ചായത്തിന് മുന്നിലേക്ക് നാട്ടുകാരെ കൂട്ടി
സമരത്തിനൊരുങ്ങുകയാണ്
എന്ന് യൂത്ത് ലീഗ് താലൂക്ക് സെക്രട്ടറി യഹ് യ മണിയാട്ടുകുടി
അറിയിച്ചു
