കോതമംഗലം : സിപിഎം ഉൾപ്പെടെയുള്ള ഇടതു പാർട്ടികളുടെ ഭരണം കുടുംബ നേട്ടത്തിനായി ഉപയോഗിക്കുന്നു. മുഹമ്മദ് ഷിയാസ് (DCC പ്രസിഡന്റ്‌) കുടുംബ നേട്ടത്തിനും, സ്വജനപക്ഷപാതത്തിനും, പാർട്ടി നേതാക്കൾക്ക് പണം സമ്പാദിക്കാനും മാത്രമായി ഇടതുഭരണം മാറി എന്നും, പാവങ്ങളുടെ പേര് പറഞ്ഞ് അധികാരത്തിൽ വന്നിട്ട് ജനങ്ങളെ ആകെ വഞ്ചിക്കുകയാണ് എന്നും, ആത്മാഭിമാനമുള്ള ഒരാൾക്കും ഈ പാർട്ടിയിൽ തുടരാൻ സാധിക്കില്ല എന്നും അദ്ദേഹം പറഞ്ഞു. നേര്യമംഗലം മേഖലയിൽ സിപിഐഎമ്മിൽ നിന്നും മറ്റു രാഷ്ട്രീയ പാർട്ടികളിൽ നിന്നും രാജിവെച്ച് ഇന്ത്യൻ നാഷണൽ കോൺഗ്രസിൽ ചേർന്ന 40 ഓളം കുടുംബങ്ങളിൽ നിന്നുള്ള ആളുകൾക്ക് മെമ്പർഷിപ്പ് വിതരണം ചെയ്ത് ചടങ്ങ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
എറണാകുളം ജില്ലയുടെ വിവിധ ഭാഗങ്ങളിലായി കഴിഞ്ഞ നാലു വർഷത്തിനുള്ളിൽ സിപിഎമ്മിൽ നിന്നും വിവിധ രാഷ്ട്രീയ പ്രസ്ഥാനങ്ങളിൽ നിന്നുമായി രണ്ടായിരത്തിലധികം ആളുകളാണ് ഇന്ത്യൻ നാഷണൽ കോൺഗ്രസിൽ ചേർന്നതെന്ന് അദ്ദേഹം പറഞ്ഞു.
നെര്യമംഗലത്ത് നടന്ന ചടങ്ങിൽ മണ്ഡലം പ്രസിഡണ്ട് ജയ്മോൻ ജോസ് അധ്യക്ഷത വഹിച്ചു. കെപിസിസി മെമ്പർ AG ജോർജ്, കെപിസിസി മുൻ എക്സിക്യൂട്ടീവ് അംഗം KP ബാബു, ജില്ലാ എക്സിക്യൂട്ടീവ് അംഗം എബി എബ്രഹാം, ബ്ലോക്ക് പഞ്ചായത്ത് പ്രസിഡണ്ട് പി എം എ ബഷീർ, മുൻ കവളങ്ങാട് പഞ്ചായത്ത് പ്രസിഡണ്ട് സൈജന്റ് ചാക്കോ, കർഷക കോൺഗ്രസ് സംസ്ഥാന ജനറൽ സെക്രട്ടറി പിസി ജോർജ്, മത്സ്യ കോൺഗ്രസ് നിയോജകമണ്ഡലം പ്രസിഡണ്ട് പി എൻ വിജയൻ, കോൺഗ്രസ് കവലങ്ങാട് മണ്ഡലം പ്രസിഡണ്ട് ജോബി ജേക്കബ്, ബ്ലോക്ക് കോൺഗ്രസ് കമ്മിറ്റിയുടെ ഭാരവാഹികളായ, അനൂപ് ജോർജ്,പി എം സിദ്ദിഖ്, ബെന്നി പോൾ, ലിനോ തോമസ്, സലിം മംഗലപ്പാറ, സത്താർ വട്ടക്കുടി, അമീർ അലി യൂത്ത് കോൺഗ്രസ് ജില്ലാ സെക്രട്ടറി മേഘ ഷിബു,മഹിളാ കോൺഗ്രസ് മണ്ഡലം പ്രസിഡണ്ട് ജിൻസി മാത്യു, യൂത്ത് കോൺഗ്രസ് മണ്ഡലം പ്രസിഡണ്ട് ബിനീഷ് ബിജു, ജോയി അറയ്ക്കകൂടി, കെഎം ഷമീർ, ജിൻസിയ ബിജു, തുടങ്ങിയവർ സംസാരിച്ചു
