കോതമംഗലം : ബോധി കലാസാംസ്കാരിക സംഘടന ബോധി ദിനാഘോഷവും കുടുംബ സംഗമവും സംഘടിപ്പിച്ചു. മാർ ബേസിൽ ഹയർ സെക്കൻഡറി സ്കൂൾ മൾട്ടി മീഡിയ ഹാളിൽ വച്ച് നടന്ന ദിനാഘോഷം ആന്റണി ജോൺ എം എൽ എ ഉദ്ഘാടനം ചെയ്തു. ബോധി പ്രസിഡന്റ് ജോർജ് മാത്യു അധ്യക്ഷത വഹിച്ചു.സെക്രട്ടറി സോനു കുമാർ ടി,വൈസ് പ്രസിഡന്റ് രവീന്ദ്രൻ നായർ, ട്രഷറർ പി സി സ്കറിയ, മാർ ബേസിൽ സ്കൂൾ എച്ച് എം ബിന്ദു വർഗീസ്,പ്രോഗ്രാം കമ്മിറ്റി കൺവീനർ ഷിജോ ജോർജ് എന്നിവർ സംസാരിച്ചു.ബോധി കുടുംബാംഗങ്ങളുടെ വിവിധ കലാപരിപാടികൾ, സ്നേഹ വിരുന്ന് , ബോധി ഓൺലൈൻ കലാ വേദിയിലെ കലാകാരന്മാർ അവതരിപ്പിച്ച വിവിധ കലാപരിപാടികൾ എന്നിവ ഉൾപ്പെടെ ദിനാഘോഷത്തിന്റെ ഭാഗമായി അരങ്ങേറി.
