കോതമംഗലം : ആന്റണി ജോൺ എം എൽ എ യുടെ വെളിച്ചം പദ്ധതിയുടെ ഭാഗമായി മാമലകണ്ടം ഗവ ഹൈ സ്കൂൾ ജംഗ്ഷനിൽ ഹൈ മാസ്റ്റ് ലൈറ്റ് സ്ഥാപിച്ചു.
മണ്ഡലത്തെ പ്രകാശ പൂരിതമാക്കുവാൻ വേണ്ടി 2016 മുതൽ എം എൽ എ നിയോജകമണ്ഡലത്തിൽ നടപ്പിലാക്കിയിട്ടുള്ള പദ്ധതിയാണ് വെളിച്ചം പദ്ധതി. ഇതിനോടകം തന്നെ പദ്ധതിയുടെ ഭാഗമായി നിയോജകമണ്ഡലത്തിലെ 8 പഞ്ചായത്തിലും നഗരസഭാ പരിധികളിലുമായി 100 കണക്കിന് കേന്ദ്രങ്ങളിൽ ലൈറ്റുകൾ സ്ഥാപിച്ചു കഴിഞ്ഞു. തുടർന്നും ആവശ്യമായ ഇടങ്ങളിൽ വെളിച്ചം പദ്ധതിയുടെ ഭാഗമായി ലൈറ്റുകൾ സ്ഥാപിക്കുമെന്നും ഉദ്ഘാടന വേളയിൽ എം എൽ എ പറഞ്ഞു.
മാമല കണ്ടത്ത് നടന്ന ലൈറ്റിന്റെ സ്വിച്ച് ഓൺ കർമ്മം ആന്റണി ജോൺ എം എൽ എ നിർവഹിച്ചു.ഗ്രാമപഞ്ചായത്ത് പ്രസിഡന്റ് കാന്തി വെള്ളക്കയ്യൻ അധ്യക്ഷത വഹിച്ചു. ഗ്രാമപഞ്ചായത്ത് വൈസ് പ്രസിഡന്റ് സൽമ പരീത്, വാർഡ് മെമ്പർമ്മാരായ ശ്രീജ ബിജു, ഷീല രാജീവ്, ആലിസ് സിബി,ഹെഡ്മാസ്റ്റർ പ്രസാദ് പി സി,മാമലക്കണ്ടം സർവീസ് കോ-ഓപ്പറേറ്റീവ് ബാങ്ക് പ്രസിഡന്റ് പി എൻ കുഞ്ഞുമോൻ, ആരോമൽ എം എസ്,പി ടി എ പ്രസിഡന്റ് പ്രസാദ് വി ഡി,ഊര് മൂപ്പന്മാരായ രാഘവൻ കോരാളിയിൽ, മൈക്കിൾ മൈക്കിൾ എന്നിവർ ചടങ്ങിൽ സംസാരിച്ചു.
