കോതമംഗലം : നെല്ലിക്കുഴി ഗ്രാമപഞ്ചായത്തിലെ 66-ാം നമ്പർ സ്മാർട്ട് അങ്കണവാടിയുടെ ഉദ്ഘാടനം നടത്തി. ഗ്രാമ പഞ്ചായത്ത് പ്രസിഡന്റ് പി എം മജീദ് അദ്ധ്യക്ഷത വഹിച്ച ചടങ്ങിൽ ആന്റണി ജോൺ എം എൽ എ ഉദ്ഘാടനം നിർവഹിച്ചു. വാർഡ് മെമ്പർ എം എം അലി സ്വാഗതം ആശംസിച്ചു.
ജില്ല പഞ്ചായത്ത് മെമ്പർ റഷീദ സലിം, ബ്ലോക്ക് പഞ്ചായത്ത് മെമ്പർ എം എ മുഹമ്മദ്, ഗ്രാമപഞ്ചായത്ത് വൈസ് പ്രസിഡൻ്റ് ശോഭ വിനയൻ, ആരോഗ്യ സ്റ്റാന്റിങ് കമ്മിറ്റി ചെയർമാൻ എൻ ബി ജമാൽ, സീന എൽദോസ്, അരുൺ സി ഗോവിന്ദ്, സിപിഐ (എം )ലോക്കൽ സെക്രട്ടറി എൻ പി അസൈനാർ, കെ എം ഹൈദ്രോസ് എന്നിവർ പങ്കെടുത്തു. അസിസ്റ്റന്റ് സെകട്ടറി മനോജ് കെ പി നന്ദി രേഖപ്പെടുത്തി.
