കീരമ്പാറ: പുന്നേക്കാട് വീട്ടിലെ വാട്ടർ മീറ്റർ ബോക്സിനുള്ളിൽക്കയറിയ കുഞ്ഞു മൂർഖൻ പാമ്പിനെ ഇന്ന് പിടികൂടി. പുന്നേക്കാട് M.P കോളനിയിലെ വീട്ടിൽ നിന്നുമാണ് മൂർഖൻ പാമ്പിന്റെ കുഞ്ഞിനെ പിടികൂടിയത്. വാട്ടർ കണക്ഷന്റെ റീഡിങ് എടുക്കാൻ വന്ന ജീവനക്കാരിയാണ് പാമ്പിനെ കണ്ടത്. മീറ്റർ ബോക്സിനകത്ത് ഇരുന്ന പാമ്പിൻ കുഞ്ഞ് പത്തിവിടർത്തിയതോടെ അവർ ഭയന്ന് വീട്ടുകാരെ ആറിയിച്ചു. വീട്ടുകാർ പുന്നേക്കാട് ഫോറസ്റ്റ് ഓഫീസർ ഷിബു കുര്യാക്കോസിനെ വിവരം അറിയിച്ചു. അദ്ദേഹത്തിന്റെ നിർദേശ പ്രകാരം പാമ്പുപിടുത്ത വിദഗ്ദ്ധൻ C K വർഗീസ് എത്തി കുഞ്ഞു മൂർഖനെ പിടിച്ച് വനത്തിൽ തുറന്നു വിടുകയായിരുന്നു.
