കീരംപാറ : വെളിയേൽചാലിൽ ഫാം ഹൗസിന്റെ മീൻ കുളത്തിനോട് ചേർന്ന് വലയിൽ കുടുങ്ങിയ പെരുമ്പാമ്പിനെ ഇന്ന് പിടികൂടി . പാമ്പിനെ കണ്ടതിനെ തുടർന്ന് പ്രദേശവാസികൾ പുന്നേക്കാട് ഫോറെസ്റ് ഓഫീസിലെ BFO. P.R. Shree Kumar നെ വിവരമറിയിച്ചു. തുടർന്ന് വനം വകുപ്പിൻ്റെ നിർദ്ദേശപ്രകാരം പ്രമുഖ പാമ്പുപിടുത്ത വിദഗ്ദ്ധൻ CK വർഗ്ഗീസ് സ്ഥലത്തെത്തി പാമ്പിനെ പിടികൂടുകയായിരുന്നു.
പിടികൂടിയ പാമ്പിനെ വനപാലകർക്ക് കൈമാറി. ഒരാഴ്ചക്കിടെ ഇത് മൂന്നാമത്തെ പാമ്പിനെയാണ് CK വർഗീസ് പിടികൂടുന്നത്. വനമേഖലയിൽ നിന്ന് മഴവെള്ളത്തോടൊപ്പം ഒഴുകിയെത്തുന്ന പാമ്പുകളാണ് ഇവയിലേറെയും.
