കോതമംഗലം ; കേരളത്തിലെ എല്ലാ കുടുംബങ്ങളിലും കാർഷിക സംസ്കാരം ഉണർത്തുക, കേരളത്തെ ഭക്ഷ്യ സ്വയം പര്യാപ്തതയിൽ എത്തിക്കുക തുടങ്ങിയ ലക്ഷ്യത്തോടെ ബഹുമാനപ്പെട്ട മുഖ്യമന്ത്രിയുടെ രണ്ടാം നൂറ് ദിന പദ്ധതിയിൽ ഉൾപ്പെടുത്തി കൃഷി വകുപ്പിന്‍റെ നേതൃത്വത്തില്‍ വിവിധ വകുപ്പുകളുടെ ഏകോപനത്തോടെ കേരളത്തിൽ ഒന്നാകെ നടപ്പിലാക്കുന്ന ബൃഹത്തായ പദ്ധതിയാണ് ഞങ്ങളും കൃഷിയിലേക്ക്. ഇതിൻ്റെ ഭാഗമായി നെല്ലിക്കുഴി ഗ്രാമപഞ്ചായത്തില്‍ പഞ്ചായത്ത് തല സമിതി രൂപീകരിച്ചു. ജില്ലാ, ബ്ലോക്ക്, ഗ്രാമ പഞ്ചായത്തംഗങ്ങളും, കാർഷിക വികസന സമിതിയും,
വിവിധ കര്‍ഷക സമിതി പ്രതിനിധികളേയും, കര്‍ഷകരേയും, വിവിധ സ്ഥാപന പ്രതിനിധികള്‍ ഉള്‍പ്പടെയുളളവരെ പങ്കെടുപ്പിച്ച് നടന്ന യോഗത്തിലാണ് പഞ്ചായത്ത് തല സമിതിക്ക് രൂപം നല്‍കിയത്. പരിപാടിയുടെ ഉദ്ഘാടനം ജില്ലാ പഞ്ചായത്ത് മെബര്‍ ശ്രീമതി. റഷീദ സലീം ഉദ്ഘാടനം ചെയ്തു.നെല്ലിക്കുഴി ഗ്രാമപഞ്ചായത്ത് വൈസ്പ്രസിഡന്‍റ് ശ്രീമതി. ശോഭവിനയന്‍ അധ്യക്ഷയായി, കൃഷി ഓഫീസര്‍ ജിജി ജോബ് പദ്ധതി വിശദീകരിച്ചു. പച്ചക്കറി വിത്ത് വിതരണത്തിൻ്റെ ഉദ്ഘാടനം ബ്ലോക്ക് പഞ്ചായത്ത് അംഗം ശ്രീമതി. അനു വിജയനാഥ് നിര്‍വ്വഹിച്ചു.സ്റ്റാന്‍റിങ് കമ്മിറ്റി ചെയര്‍മാന്‍ മാരായ എന്‍. ബി. ജമാല്‍ , എം. എം. അലി, വാര്‍ഡ് അംഗങ്ങളായ കെ കെ നാസര്‍, നാസര്‍ വട്ടേക്കാടന്‍, ബീന ബാല ചന്ദ്രന്‍, ശോഭ രാധാകൃഷ്ണന്‍,സിന്ധു പ്രവീണ്‍ , തൊഴിലുറപ്പ് എ.ഇ ബ്രൈറ്റ്,അസിസ്റ്റന്‍റ് സെക്രട്ടറി ഇ എം അസ്സീസ്, അസിസ്റ്റന്‍റ് കൃഷി ഓഫീസര്‍മാരായ റ്റി. എം. റഷീദ്, ഏലിയാസ്, ഷാഹിദ തുടങ്ങിയവര്‍ സംസാരിച്ചു.
