പെരുമ്പാവൂർ : ക്രാരിയേലി സെന്റ് മേരീസ് ഹൈസ്കൂളിൽ നിർമ്മിക്കുന്ന പുതിയ ശുചിമുറി കെട്ടിടത്തിന് അഡ്വ. എൽദോസ് കുന്നപ്പിള്ളി എം.എൽ.എ ശിലയിട്ടു. എം.എൽ.എയുടെ ആസ്തി വികസന ഫണ്ടിൽ നിന്നും അനുവദിച്ച 10 ലക്ഷം രൂപ വിനിയോഗിച്ചാണ് കെട്ടിടം നിർമ്മിക്കുന്നത്. 5 മുതൽ 10 വരെ ക്ലാസുകളിൽ 308 കുട്ടികൾ പഠിക്കുന്ന വിദ്യാലയമാണ് ഇത്. ഫാ. എൽദോസ് തുരുത്തേൽ ചടങ്ങിൽ അധ്യക്ഷത വഹിച്ചു.
ജില്ല പഞ്ചായത്ത് അംഗം ഷൈമി വർഗീസ്, ബ്ലോക്ക് പഞ്ചായത്ത് അംഗം പി.ആർ നാരായണൻ നായർ, വാർഡ് മെമ്പർമാരായ ശിൽപ സുധീഷ്, ബിജു താണിയാട്ടുകുടി, ഹെഡ്മിസ്ട്രസ് ഷീബ മാത്യു, റെജി ഇട്ടൂപ്പ്, എ.ഒ മത്തായി എന്നിവർ ചടങ്ങിൽ സംബന്ധിച്ചു.
