കോതമംഗലം : ശ്രേഷ്ഠ കാതോലിക്ക ബാവയെ മാർ ബസേലിയോസ് ആശുപത്രിയിൽ എത്തി എസ്.എൻ.ഡി.പി. യോഗം സംസ്ഥാന ജനറൽ സെക്രട്ടറി വെള്ളാപ്പള്ളി നടേശൻ സന്ദർശിച്ചു. ബാവയുടെ ആരോഗ്യനില സംബന്ധിച്ച് വിശദാംശങ്ങൾ ചോദിച്ചറിയുകയും ചെയ്തു. കുറച്ചു നേരം ബാവയുമായി വെള്ളാപ്പിള്ളി കുശാലാന്വേഷണം നടത്തുകയും ചെയ്തു . ഞാൻ ബാവായുടെ കൂടെയാണെന്നും ബാവായുടെ പക്ഷത്താണെന്നും വെള്ളാപ്പള്ളി മാധ്യമപ്രവർത്തകരോട് പറഞ്ഞു. എന്നെയേറെ സ്നേഹിക്കുകയും എന്റെ കഷ്ടതകൾക്കൊപ്പം നിൽക്കുകയും പിന്തുണക്കുകയും ചെയ്ത ബാവക്കൊപ്പമാണ് ഞാൻ എന്ന് വെള്ളാപ്പള്ളി നടേശൻ അർത്ഥശങ്കക്ക് ഇടയില്ലാത്തവിധം കൂട്ടിച്ചേർക്കുകയും ചെയ്തു.
![](https://i0.wp.com/kothamangalamnews.com/wp-content/uploads/2024/07/alfalah.jpeg?resize=600%2C750&ssl=1)
എസ്.എൻ.ഡി.പി. യോഗം സംസ്ഥാന ജനറൽ സെക്രട്ടറിക്കൊപ്പം കോതമംഗലം യൂണിയൻ പ്രിസിഡന്റ് അജി നാരായണൻ , സെക്രട്ടറി പി.എ സോമൻ, കെ.സ് ഷിനിൽ കുമാർ, സജീവ് പാറക്കൽ, ടി.ജി അനി, പി.വി വാസു, എം.വി രാജീവ്, എം.വി തിലകൻ, എം.കെ ചന്ദ്രബോസ്, അജേഷ് തട്ടേക്കാട് തുടങ്ങിയവർ അനുഗമിക്കുകയും ചെയ്തു.
![](https://kothamangalamnews.com/wp-content/uploads/2023/11/kothamangalamnews.png)
You must be logged in to post a comment Login