കോതമംഗലം : ഇഞ്ചൂർ നിന്നും പിടവൂരിലേക്ക് പോകുന്ന വഴിയിൽ ഏറാംബ്ര എന്ന സ്ഥലത്തുനിന്നുമാണ് പെരുമ്പാമ്പിനെ പിടികൂടിയത്. രാത്രിയിൽ റോഡിലൂടെ പോയ നാട്ടുകാരനാണ് പാമ്പിനെ കാണുന്നത്. തുടർന്ന് നാട്ടുകാർ നടത്തിയ തിരച്ചിലിൽ പാമ്പിനെ കണ്ടെത്തുകയായിരുന്നു.
വനം വകുപ്പിൽ വിവരം അറിയിച്ചിതിനെ തുടർന്ന് വനപാലകർ എത്തി പെരുമ്പാമ്പിനെ പിടികൂടുകയായിരുന്നു. കുറച്ചു നേരത്തെ പരിശ്രമത്തിനൊടിവിലാണ് പാമ്പിനെ പിടികൂടുവാൻ സാധിച്ചത്. 12 അടിയോളം നീളമുള്ള കൂറ്റൻ പാമ്പിനെ ഈ പ്രദേശത്തുനിന്നും പിടികൂടുന്നത് ആദ്യ സംഭവവും ആയിരുന്നു.
