കോതമംഗലം: കോതമംഗലത്ത് തങ്കളം – കാക്കനാട് ദേശീയപാതയിൽ വാഹനാപകടം. രണ്ട് യുവാക്കൾക്ക് ദാരുണാന്ത്യം. കോട്ടപ്പടി സ്വദേശികളായ അഭിരാമൻ (21), ആൽബിൻ (21) എന്നിവരാണ് ഇവർ സഞ്ചരിച്ചിരുന്ന ബൈക്ക് അശോക് ലൈലാൻ്റിൻ്റെ പിന്നിലിടിച്ച് മരിച്ചത്. രാത്രി പത്ത് മണിയോടെയാണ് അപകടം നടന്നത്.
ഇടിയുടെ ആഘാതതിൽ ബൈക്കിൻ്റെ മുൻഭാഗം തകർന്നു. പരിക്കേറ്റവരെ കോതമംഗലം ബസേലിയോസ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഇവരുടെ മൃതദേഹം മോർച്ചറിയിലേക്ക് മാറ്റി. പണി പൂർത്തിയാകാതെ കിടക്കുന്ന തങ്കളം – കാക്കനാട് നാലുവരിപ്പാതയിൽ വഴിവിളക്കുകൾ ഇല്ലാത്തത് അപകടങ്ങൾക്ക് കാരണമാകുമെന്ന് നേരത്തെ പരാതി ഉയർന്നിരുന്നു.
